賽馬會資助 非新冠患者睇私家醫生只要$50 連3日基本藥物 65歲或以上唔使申請可直接預約 (附診所名單)
為減輕對新型冠狀病毒公共醫療系統的負擔,賽馬會最近推出「病有醫靠」門診服務資助計劃,資助非新冠肺炎病人睇門診,合資格者可以50元睇指定私家門診,仲包括3日基本藥物,65歲或以上人士唔使申請,直接致電預約就得。
「病有醫靠」門診服務資助計劃為期3個月,覆蓋10個地區,名額約33,000個,以幫助基層市民。合資格受惠人士只需付50元診金,就可以睇私家醫生同埋獲得3日基本藥物。香港賽馬會慈善信託基金會為每名受惠人士津貼250元,餘下成本由私家診所承擔。
10個地區有診所提供「病有醫靠」計劃
只要住響東區、中西區、南區、黃大仙區、觀塘區、油尖旺區、深水埗區、屯門區、元朗區或沙田區,同時符合以下任何一項條件的非新冠肺炎病人,都可以使用資助計劃。
點先符合資格?
1. 65歲或以上人士;
2. 12歲或以下兒童;
3. 13至64 歲、持有過去12個月內在任何一間醫院管理局普通科門診求診證明的人士;
(以上3 類人士唔使預先申請,直接致電診所預約就得,預約時應講明符合參與計劃的資格)
4. 有財政困難或獲社福機構轉介人士,可向九龍樂善堂查詢,了解自己咪符合轉介資格。
參與計劃診所名單一覽
東區、中西區、沙田區: >請按此 <
南區: >請按此 <
油尖旺區: >請按此 <
觀塘區、黃大仙區、深水埗區: >請按此 <
服務推展期:2022年3月24日起 (為期3個月)
查詢:2338 8745