濕地公園年票 65歲或以上$50全年任入 仲有額外奬賞 (附申請方法及交通資訊)
65歲或以上買濕地公園年票只需$50，就可以全年多次進出公園，仲有額外獎賞，包括響禮品店購物有9折優惠，同埋多次入場證持有者專享活動！
香港濕地公園擁有60公頃的濕地保護區，同埋1萬平方米的室內訪客中心，裡面設有主題展覽廊、放映室、禮品店、餐廳同室內遊戲區。而濕地保護區包括人造濕地，以及為水鳥而重建的生境。保護區入面有個濕地探索中心，等遊客親身體驗濕地生趣。其他設施仲有溪畔漫遊徑、演替之路、紅樹林浮橋同三間觀鳥屋，帶遊客多角度認識自然生態。
濕地公園設有優惠票，單次門票為$15，全年多次入場證 (年票) 為$50，另有半年票$25。優惠對象包括：3 至 17歲小童、全日制學生、殘疾人士、殘疾人士的一名同行照料者（不適用於多次入場證）及65歲或以上人士。而門票、年票、半年票的標準價分別係$30、$100、$50，優惠價其實係達到半價。
而且購買多次入場證後，無論係買年票定半年票，仲可享額外獎賞。憑證響園區內的禮品店購買，可享9折購物優惠 (書籍、減價及指定貨品除外)；另外，濕地公園會舉辦不同的多次入場證持有者專享活動，令遊園變得更精彩。
申請多次入場證方法
1. 填妥申請表後，傳真至 2617 4230、電郵至 pass@wetlandpark.gov.hk 或親身交回香港濕地公園票務處。
2. 票務處收到申請表後，會響 3 個工作天內通知申請人去票務處領取入場證，並請申請人以現金 / 支票 / 易辦事 / 八達通繳付所需款項 (申請人必須於領取入場證時出示所需身份證明文件)。
另外，每日有 100 個即日取證名額，先到先得。如未能即時批核發證，申請人當次參觀需付單次入場費。
交通資訊
1. 港鐵 (屯馬線及輕鐵)
乘搭屯馬線響天水圍站轉乘輕鐵705路線，於天秀站 (經隧道) 或濕地公園站 (經天橋) 到香港濕地公園。
2. 途經濕地公園的巴士路線
| 巴士 | 開出 | 途經之主要景點/車站 |
| 967 (城巴) | 金鐘(西)(金鐘鐵路站) | 皇后像廣場、西區海底隧道收費廣場、大欖隧道轉車站 |
| 276B (九巴) | 上水彩園 | 上水鐵路站、落馬洲公共交通轉車站 |
| E37 (九巴) | 機場 | 富東廣場 (東涌鐵路站)、屯門赤鱲角隧道轉車站、聚星樓 (天水圍鐵路站) |
3. 自行駕車
濕地公園訪客中心停車場只有少量私家車泊車位，如停車場泊滿，遊客要使用後備停車場。駕駛人士亦可將車輛泊響公園附近的公眾停車場，再步行約15分鐘至公園。
香港濕地公園
地址：香港天水圍濕地公園路
開放時間：
星期一、星期三至星期日、公眾假期 — 上午10:00 至 下午 5:00時 (售票時間：上午9:30 至下午4:00)
星期二 休息（公眾假期除外）