7.7 免費坐中環摩天輪 + 搭天星小輪　盧瀚霆27歲生日　粉絲策劃應援活動與全港市民同樂

7月7日係Anson Lo盧瀚霆27歲生日，其粉絲「神徒」們策劃咗一連串生日應援活動，包括請全港市民搭天星小輪同埋坐中環摩天輪！

7月7日當日，大家可以免費搭天星小輪往返尖沙咀同中環，而響7月2日至7月10日期間，尖沙咀碼頭同中環7號碼頭都會變身成「教主碼頭」，碼頭範圍、小輪上、閘機同樓梯等等都設有「Anson Lo & Sontos Giving Day」主題佈置。

另外，當日大家都可以到中環海濱免費坐香港摩天輪，神徒希望全港市民都可以同家人朋友共聚「天輪」。香港摩天輪等候區當日會換上教主生日限定場地佈置，以Anson Lo鍾意的粉紅色為主調，亦有多個打卡位，每位乘客都可免費獲得精心設計的教主生日限定香港摩天輪門票做紀念。

除咗請全港市民搭小輪坐摩天輪外，神徒們亦捐贈2,700包慈善米給14個社福團體同埋地區組織，再轉贈有需要基層人士，希望響疫情下為社會注入正能量，幫助各階層有需要人士。

免費乘坐摩天輪詳情

日期：2022年7月7日 （星期四）
時間：中午 12時 至 晚上9時 (晚上8:30pm截止排隊輪候)
地點：香港摩天輪及AIA Vitality 公園 ｜香港中環民光街33號

相關閱讀：逢星期五免費搭巴士！牛牛巴士每月遊走指定路線　遇見即可免費搭　為期一年(附路線資訊)

FB Post
喺尖沙咀搭小輪去中環，再坐摩天輪就啱啱好~
—————
退休前後資訊平台，即Like👍金銀島，一齊享受人生下半場！
#TreasureDo金銀島 #金銀大寶藏 #盧瀚霆