樂齡朋友個個都識 沙頭角村長個女李愛

沙頭角是香港的禁區,出入都要禁區紙,應該大部分香港人都無去過,不過相信好多樂齡朋友即使無去過,都聽聞過沙頭角村長有個女叫「李愛」。

沙頭角, 禁區, 歇後語

沙頭角村長個女同歇後語有關?

有傳村長女李愛國色天香好多人追,不過諗深一層,沙頭角係禁區唔係人人可去,當年又無互聯網,到底有幾多人真係見過李愛都成問題。其實「沙頭角村長個女李愛」係60、70年代的歇後語,李愛同廣東話「你愛 (你要)」同音,成句說話隱藏的意思係:依種貨色你愛埋去啦!

據傳李愛真有其人,不過並唔係村長個女,而係村長本人!根據維基百科資料,鹽寮下村 (俗稱沙頭角村) 50至60年代的村長名叫李愛,不意外地係個男人,只係後來大家以訛傳訛,誤以為李愛係女性,先會演變出依一句歇後語。傳聞李愛已去世,但他的後代仍然住在沙頭角。

相關閱讀:禁區沙頭角碼頭即將開放!指定區域觀光購物、轉船去附近景點