網民將MIRROR分為上下弦 想當年四大天王都有排名榜 第一位係黎明定劉德華？
男團MIRROR粉絲遍佈各個年齡階層，不過12個成員人氣度唔一樣，網友就將成員分為上下弦。每個年代的粉絲都鍾意幫偶像排名，好似以前四大天王咁，大家就為了究竟第一位係黎明定劉德華而吵唔停！
網民幫MIRROR成員分上下弦
MIRROR出道3年以來一直超受歡迎，各個年齡層都被攻陷，由3歲到80歲都有粉絲，不過12個成員裡面，唔係個個都一樣紅，於是有綏網民將他們分為上下弦，比較受歡迎的6個稱為「上弦」，而較為名不經傳的6個就稱為「下弦」。
網民心中MIRROR「上弦」成員：
姜濤、Anson Lo (盧瀚霆)、Edan (呂爵安)、Ian (陳卓賢)、Jer (柳應廷)、Anson Kong (AK)
網民心中MIRROR「下弦」成員：
Lokman (楊樂文)、Tiger (邱傲然)、Frankie (陳瑞輝)、Jeremy (李駿傑)、Stanley (邱士縉)、Alton (王智德)
四大天王年代 黎明劉德華之爭？
似乎每個年代的粉絲都有舖排名癮，記得以前四大天王年代，大家好鍾意幫黎明、劉德華、張學友、郭富城做排行榜。不過響每個人心目中，個排名都係唔同，亦永遠唔會有共識，你的四大天王排行榜又係點呢？
黎明
全盛時期的黎明拎樂壇獎項拎到手軟，基本上可以拎的大獎都拎過了，去到1999年更霸氣地公開宣佈以後唔再拎香港樂壇頒獎禮的獎項。除了唱歌之外，黎明電影、電視劇、廣告多棲發展，當年幫和記電訊拍的廣告更加係全城佳話，一共拍了十幾集，當年個個都有追睇他同阿May的故事發展。
劉德華
90年代初已經多次拎到「最受歡迎男歌星獎」，劉德華仲係健力氏世紀錄中獲獎最多的香港歌手。除了樂壇成就外，劉德華的影壇成績一樣驚人，曾經三度獲得金像獎影帝殊榮，同梁朝偉合拍的電影《無間道》更加係經典，雖然其他幾位都有出色的電影作品，但也無法同《無間道》相比。
張學友
如果以唱功來排名的話，張學友無容置疑一定是第一，歌唱實力居其餘三人之上，被譽為「歌神」。1994年贏得美國Billboard年度銷量最高亞洲歌手大獎，響1995年，其唱片銷量更加超越了Madonna同Michael Jackson，係華語樂壇一代巨星。
相關閱讀：60歲張學友工作多籮筐：未曾想過退休，習慣在工作上找存在價值
郭富城
四大天王中被稱為舞王，跳唱係品《對你愛不完》、《狂野之城》更加係經典，1997年憑住《愛的呼喚》得到第一個「最受歡迎男歌星」獎項。郭富城亦有涉足電影，2016年憑《踏血尋梅》得到金像獎影帝寶座。