41歲被叫「阿姨」嬲到打人！幾歲先會接受被叫阿嬸？係震驚定坦然接受？最嬲係被老過自己的人叫阿姐！

中國內地一位41歲女士去買餸時，因為被29歲的店員叫「阿姨」，加上店員態度欠佳，女士忍唔住出手打人。事件引起網民熱議，被叫一聲「阿姨」係咪真係咁大件事？大家又認為幾歲先接受到被叫阿嬸 、姨姨、阿姐 / 阿叔，甚至係阿伯、阿婆呢？

杭州一位41歲女士去超市買餸時，被29歲女店員稱呼「阿姨」，女士好嬲咁回應對方：「我比妳沒有大多少，妳不要叫我阿姨，女性聽了心裡都會不舒服」，但女店員不甘示弱，答到：「我就叫『阿姨』怎麼了？」後來41歲女士忍住先出手，結果雙方扯髮互打。

除了「阿姨」依個稱呼外，香港的女士仲有機會被叫「阿姐」、「阿嬸」、「阿婆」，綜合網民意見，大家對各個年齡的女士的稱呼大致歸類如下：

40+歲：阿姐
50+歲：阿姨
60+歲：阿嬸
70+歲：婆婆