39歲阿SA遺囑遺照已準備! 生前規劃身後事 4個步驟:預設照顧計劃、後事意願、遺囑、遺照

阿SA蔡卓妍早前響綜藝節目《因為是朋友呀》透露自己已經實行 生前規劃身後事 ,立定遺囑,連遺照都揀好了,而且每5年換一次。節目出街後,網友好驚訝只有39歲的阿SA,有必要這麼早準備身後事?

生前規劃身後事

立定遺囑 遺照5年換一次

阿SA響節目中講到,媽媽自細教她無論咩事都要做最好同最壞準備。面對生死阿SA也做好最壞打算,希望如果有日意外到來,她都可以係一個準備好的狀態,所以一早立好遺囑,遺照每5年揀一次,因為唔想親友太過悲傷,所以只揀開心的彩色照片。她也計劃拍影片留給親友,向爸爸媽媽、朋友講一段話,等他們唔好太傷心。

華人忌諱死亡,未敢多提身後事,甚至有人認為阿SA提早預備係過於悲觀。不過,人終有一死,無人估計到那天幾時來臨,其實阿SA的做法好值得我們參考,就如她所說,未雨綢繆無咩唔好,假如有一日突然離開人世,都可以為世界留低最後一張笑顏。

生前規劃身後事

生前規劃身後事 4大步驟

想效法阿SA預先準備身後事但又唔知點開始?參考以下4點或者可以幫你搵到方向。

1. 預設照顧計劃

醫管局目前設有「預設醫療指示」,適用於患有嚴重且不可逆疾病的病人,等患者可以決定自己的治療方式,甚至拒絕維生治療。

相關閱讀:生命中的最後一個決定——預設醫療指示

2. 身後事意願

葬禮形式:中式定係西式?需要有宗教儀式嗎?有哪些朋友一定要邀請?
安葬方式:土葬?火化後放骨灰龕位,定係海葬或綠色殯葬?
安葬地點:最好在身前親身去走走,感受一下鍾唔鍾意
遺體及器官捐贈:會唔會想捐呢?有意願的話最好先告知屋企人

遺照, 遺囑, 蔡卓妍, 阿SA, 藝人, 身後事

3. 遺囑

主要係決定遺產點安排,避免後代爭產糾紛。遺囑具有法律效力,申請人簽立遺囑時必須神智清醒,並由兩位見證人見證。簽立人過世後,會由遺囑執行人或委託律師申請辦理遺產。

相關閱讀:資產唔多都要立遺囑?預先分配遺產好處多!立平安紙4大注意事項+手續程序

4. 遺照

後人揀的照片未必合自己心水,自己不妨預先準備,諗諗自己想在大家心裡面留低一個點樣的印象,然後揀一張鍾意的照片做遺照。

提早預備身後事唔代表咒自己去死,反而係對屋企人的一種心意,等他們不用為自己的後事而奔波擔憂。每個人都終有一死,及早做好準備,並活在當下,減少遺憾,人生也就不枉過。