古淖文攻紅館成「中聲第一人」！熬足15年終圓夢，簽約一刻眼濕濕

[Peter仔]

真係替佢開心！《中年好聲音2》冠軍古淖文前日返澳門開個人音樂會，唱到尾聲大螢幕突然公布佢明年5月會踏上紅館開個唱，成為第一位單獨喺紅館開騷嘅《中聲》參賽者，仲係相隔20年再有澳門歌手登上紅館舞台。佢話早前傾音樂會細節嗰陣，主辦方突然拎出一份紅館合約畀佢簽，令佢當場眼濕濕，今個月24號生日嘅佢直言呢份係最震撼嘅生日禮物。當晚佢率領20人樂隊唱足多首中外金曲，又適逢已故天后梅艷芳冥壽，特登唱《似水流年》致敬，全場粉絲亮起手機燈海大合唱，場面好感人。由2009年參加《亞洲星光大道》攞第五名熬到今日，足足15年，堅持真係冇白費。大家到時會唔會入場撐佢，一齊見證呢個夢想成真嘅時刻？
圖片來源：Sunday Kiss
https://www.weekendhk.com/entertainment ... 3-3522172/