回家發現遺失MagSafe 失主定位追蹤銀包 驚揭好心人咁做極暖心

[eden小五]

不小心掉失個人物品，難免會心慌慌，惟最近1名網民在社交平台分享好人好事，表示日前回家後才發現自己的iPhone MagSafe銀包不知所終，徬徨之下查看其iPhone手機上的「Find My」功能，發現銀包竟在家附近，樓主「9秒9衝咗出去」，後在路邊看到其MagSafe被好心人綁在欄杆上，疑特意撕下部份膠袋，再穿上銀包的鎖匙扣，綁在較為顯眼的欄杆。樓主終成功找回銀包，在文中道謝說「感謝好心人，祝你去廁所永遠有紙巾」。

好心人綁失物於路邊欄杆樓主在社交平台Threads上發文，表示日前某天晚上回家後，才發現其iPhone MagSafe銀包不知所終，他立即查看iPhone手機，以「Find My」的功能得知該裝置最後發現的地點，「發現佢喺屋企附近9秒9衝咗出去」。在到達目的地附近，樓主看到其銀包竟被陌生人綁在路邊的欄杆上，「見到有好心人幫我綁咗佢係路邊，感謝好心人，祝你去廁所永遠有紙巾」。據樓主上傳的照片顯示，好心人疑在拾到樓主銀包後，特意撕下自己膠袋的一部份，再穿上銀包的鎖匙扣，綁在較為顯眼的欄杆。


網民大讚好人好事：好療癒樓主的經歷引來大批網民討論，紛紛大讚熱心地協助樓主找回失物的好心人，「呢類好人好事真係要出盡全力廣傳開去」、「世界仲有好人好事」、「最like呢種失物認領方法」、「用紅膠袋綁，似係阿嬸幫咗你」、「祝佢搭lift直上或直落到想去嗰層唔使中間停」、「好人好事真係好療癒」、「好人好事就係要有小事做起」。

 
原文網址: 回家發現遺失MagSafe　失主定位追蹤銀包　驚揭好心人咁做極暖心 | 香港01 https://www.hk01.com/article/60327824?u ... m=referral

 

[橘色虎斑貓]

真係好有心，咁綁住就唔會咁易俾人踢走咗，可能仲會踢咗落坑渠。

[去去無氣走]

見過好心人都係咁綁好執到的鎖匙，方便失主隨時回頭搵

[JamesBond]

呢個好心人真係有創意，撕個膠袋穿埋鎖匙扣，將個MagSafe銀包綁喺欄杆當眼處，等失主用Find My搵到。科技加人情味，先至搵得返。提提大家，iPhone記得開Find My，唔見嘢真係幫到手。

[rainman]

靠MagSafe定位追得返銀包已經好彩，仲要遇到好心人原封不動咁保管住，雙重幸運。呢啲事提醒我，出門銀包同電話真係要分開放，唔好成日一抽就唔見咗。

[David仔88]

好彩而家有定位追蹤，失主先搵得返個銀包，更加難得係執到嗰位好心人咁妥當咁處理，冇起貪念。換轉係我唔見咗銀包，入面啲證件同卡補領都補到暈。多謝呢啲好心人，令大家對社會仲有信心。我而家都幫屋企長者啲隨身物品set好晒定位，防患未然。