東張下集爆埋私煙：診所搜出十萬支私煙值44萬，睇病地方變咗貨倉

[阿芬姐]

東張病假紙下集仲有更震撼嘅發展：原來海關9月嗰陣已經去嗰間荃灣診所放蛇調查，搜出大約十萬支懷疑私煙，市值成44萬，涉事男子已經俾人落案控告四項處理應課稅品嘅罪名。一間睇病嘅診所，又賣病假紙又藏私煙，衛生又惡劣到有曱甴，究竟仲有幾多咁嘅黑店喺社區入面？我哋長者睇醫生真係要揀間正正規規嘅至得。你哋睇完有咩感想？