租出去俾人轉租破壞 業主追討點解咁難

[觀塘街坊]

東張西望嗰單租客惡意轉租，真係俾唔少收租養老嘅朋友一個警號。曾小姐同租客簽咗一年固定租約，對方違反租約轉租，單位俾人整到污糟邋遢，牆身仲鑿到見底。法庭雖然判業主贏，要賠合共106,200元，但業主會會長余慶雲話，約一千宗同類個案入面，真正追得返錢嘅不足百分之三至四。政策同法例上，係唔係應該再加強保障守規矩嘅小業主？大家又覺得出租前查租客，應該查到邊個程度先合理？