松哥加油！76歲劉松仁息影10年首認患病 千字文豁達面對：呢幾年係我最自在最開心嘅階段

[老黃酸菜魚]

各位島友，講起劉松仁松哥，由《陸小鳳》到《大時代》，真係陪住我哋呢代人成長。佢自2015年起慢慢淡出幕前，早排喺戲院俾人影到要撐住拐杖、身形消瘦，唔少影迷都好擔心，仲傳出健康出問題嘅講法。松哥日前罕有喺社交平台寫咗篇千字文，第一次親口承認身體抱恙，但就冇透露係咩病，只係叫大家唔好過度負面聯想，仲同大家講聲對唔住，話令大家掛心。最難得係佢份豁達，話生老病死人人都要經歷，用咩態度去面對先至最重要，又話呢幾年反而係佢人生中最自在、最開心嘅階段，學識咗謙卑同感恩。76歲仲有呢份心境，真係值得我哋學習，一齊祝福松哥身體健康、開開心心過每一日！你哋最記得松哥邊套作品呢？

圖片來源：明周娛樂
https://hk.ulifestyle.com.hk/topic/deta ... 5%E6%AD%BB