煲好湯第一碗，你會先留俾邊個？

[靚湯阿嫂]

每次煲好湯，我都會諗第一碗先留俾邊個。有時留俾最遲返屋企嗰個，驚佢返嚟湯凍晒；有時留俾老人家，等佢趁熱飲；有時乜都唔諗，一家人齊齊坐低一齊飲，先至最熱鬧。一碗湯唔值幾多錢，但邊個先飲、邊個飲多碗，入面其實都係心意。細個嗰陣阿媽都係咁分湯，邊個返學辛苦、邊個病完未好返，佢心入面全部記得晒。你哋屋企煲好湯嗰陣，有冇邊個不成文嘅分湯習慣呀？