大學電騙按年急升140%：假冒官員／客服，總損失$2.3億，仔女留學家長都要識防

[飲早茶]

反詐騙協調中心最新數據話，本地同內地大學生受騙有1,970宗，按年升咗15%，總損失2.3億。電話騙案有729宗，急升143%，其中假冒客服428宗、假冒官員233宗，內地新生單一宗假官員騙案就損失超過800萬。仔女去外地留學，家長一樣會收到假冒官員嘅電話，話仔女出事要交錢。防騙視伏器同18222查核熱線就係用嚟幫手核實，收到可疑來電先查一查先好信。你哋有冇教過仔女或者屋企人點樣應對呢類假冒官員電話？