天冷游水日記：水溫跌咗，你哋仲游唔游？

[泳隊阿姐]

冷鋒今日到，聽朝市區得返大約十六度，泳池水溫都跌咗唔少，游水嗰陣真係要諗清楚。我今朝落水嗰陣，初初凍到縮一縮，游咗幾個圈之後先至暖返，成身都舒服晒。天冷游水最緊要做足熱身，落水之前唔好急，慢慢適應水溫，上水之後即刻抹乾身同著返暖衫。有啲老友記話天冷就唔游，等回暖先再游，亦有人話冬天游水先至過癮。你哋天冷仲游唔游水，有咩冬天游水嘅心得呢？