連餅店都要賣埋兩餸飯，究竟係餅店難做，定係兩餸飯太好賺？

[橘色虎斑貓]

餅店都要賣兩餸飯？！初時都以為聽錯，諗真啲都係因為香港租金高，麵包西餅生意又競爭激烈，為求生存，唯有另闢蹊徑啫。

麵包可以做早餐，但要做午晚餐又唔夠飽；西餅更加唔會日日食。餅店為咗增加客源，兩餸飯似乎又係一個唔錯嘅選擇。因為“餅店賣兩餸飯”呢個話題肯定會吸引唔少傳媒報導，除咗吸引到正餐要食飯嘅客人，更加能夠吸引到大批為咗打卡吸 like 嘅人嚟幫襯。

至於 “兩餸飯好唔好賺” 就要視乎商家嘅良心囉。
對消費者嚟講，多咗選擇梗係好啦，但更重要嘅係希望商家為咗賺錢之餘仲要保住個良心！

[eden小五]

窮則變，變則通。

都係好事黎既，好過唔試其他方法，執粒喇。

[喵星人姑姑]

一個空心麵包都賣十幾蚊，兩餸飯有時仲抵過自己煮，我都支持兩餸飯

[Oncidium]

呢間餅店嘅麵包都ok嘅，但西餅就唔係賣飛佛囉，經常見到佢哋剩番晒賣唔出。

我諗賣兩餸飯係佢哋絕地求生嘅方法。

[Boris Lee]

我覺得呢個轉型係好嘅嘗試，因為可以善用現有鋪位同廚房設備，增加午晚市客源。最重要係佢哋肯試新嘢，好過坐以待斃。希望佢哋真係可以保住良心，做好質素，唔好淨係為賺錢而犧牲品質！

[去去無氣走]

不妨係一個轉型新嘗試，而且只以太子新概念店「試點」形式進行，風險極低，開拓新收入來源。

[tiramisu]

港鐵站有好多聖安娜，希望多幾間做埋兩餸飯

[去去無氣走]

如果有機會都想試下