送錯貨，仲要聲大夾惡

[eden小五]

買大閘蟹釀罵戰！蟹乸當蟹公送錯貨 食客致電投訴反被「辱罵長達3分鐘」 店家發文公審網民唔撐：串過碼頭咕喱


事緣有網民於Threads發文，指最近於某專門店訂購「4両半蟹乸」，最後卻收到「6両蟹公」，由於兩者價錢及口感有別，食客心急查詢，但是店家客服「不斷Online又Offline」，未有即時回覆，於是致電聯繫。據事主描述，店家接聽電話時態度不佳，稱「好忙好多嘢做」，並指責食客「態度唔好chur住佢」，事主無奈只好「覆咗一句好等佢覆」遂決定傳訊息反映問題，不料店家隨即來電，展開「長達3分鐘嘅辱罵」，內容圍繞事主態度問題：「（佢）一直喺度鬧我，不斷誣蔑我話我迫癲佢」、「佢唔認為自己態度唔好。跟住佢開始非常激動，我都一直勸佢冷靜」。店家更表示「我只係打工仔我唔做啦」後掛斷電話。

店家發文反擊：服務唔起你呢啲「心急人上」！
事主其後在網上公開事件，指希望獲店家就自己出錯貨及態度惡劣道歉，指「客人唔係大晒，但係你賣家都唔係大晒，唔係你辛苦就可以對住人哋亂發脾氣。」

店家事後卻發文公審，表示「就算同事真係執錯嘢，我哋都未睇到WhatsApp你就已經即刻打電話嚟，同你講忙緊，轉頭幫你搞都要咄咄逼人。」又指責事主：「咁點解你攞嗰陣唔check？咁點解你食到一半先至講？你都食到一半都唔爭在等多一陣等同事覆你啦，係咪要下下都要逼人哋9秒9仲要秒速跪低道歉嗰隻？」並強調已經全數退款，反擊「唔啱嘅下次唔好再食，去食第二間」、「服務唔起你呢啲『心急人上』！」亦於事主帖文留言表示：「由頭到尾我都講冇鬧過佢」、「忙緊，係幾分鐘時間內 未睇到佢WhatsApp，已經打電話嚟chur。」


店家出貨前唔check 清楚啲貨，反而怪責個客攞貨時未check清楚，本末倒置，聲大夾惡，仲叫人下次唔會去幫襯，呢啲店，咁既態度，我就唔會幫襯佢喇。

來源網址 : 買大閘蟹釀罵戰蟹乸當蟹公送錯貨-食客致電投訴反被辱罵長達3分鐘-店家發文公審網民唔撐串過碼頭咕喱 | 星島頭條
https://www.stheadline.com/food/3508763/

[橘色虎斑貓]

自己出錯反而怪責客人，仲要網上公審，呢間店咁做已經係錯上加錯。

[hhyau]

而家啲香港老闆惡到死, 怪不得大家北上消費

[SlamDunk]

香港有不少惡且沒禮貌的老闆！
而且這些老闆多數都對員工不好，一定要聲討他們。

[去去無氣走]

自己做錯野仲鬧番客！俾錢買難受！
呢啲真係blacklist !!

[Oncidium]

自己做錯野仲鬧番客！俾錢買難受！
呢啲真係blacklist !!

講得啱！
要將間舖列入黑名單。