失智翁街中迷路 司機護送回家門

[海獺王~]

長沙灣失智伯伯迷路「喺度抹眼淚」
樓主在threads表示，2025年11月21日下午1時許，駕駛期間，見到路邊有1名老翁，對方手持1張八達通，「喺度抹眼淚」。樓主形容「個心好似有啲唔舒服，諗諗下都係返轉頭」，最初以為伯伯可能不夠錢開飯，上前了解時伯伯竟遞上八達通，寫有1個地址，相信是其住所，伯伯表示「唔記得點樣返屋企」，樓主立即將他送回家。

原帖: https://www.threads.com/@hysanlaw/post/ ... nij_b9C56w

樓主︰見佢入咗屋先放心樓主急於送伯伯回家，便將車違泊在長沙灣興華街，2人抵達伯伯住所門口，伯伯「用張八達通係到嘟個鐵閘」。樓主問有沒有鎖匙，伯伯卻問「點解張八達通開唔到門？」，擾攘一輪後，樓主在伯伯身上找到鎖匙，「見佢入咗屋先放心」，伯伯感謝樓主表示「唔該你啊老友記」。

違泊收「牛肉乾」被罰320元

樓主事後收到定額罰款通知書，因違泊而被罰320元，但他沒有後悔，反而認為「世界雖然好很亂，但相信至少我們還有一丁點愛」，將心比己，理應在自己能力範圍內幫人。



網民激讚︰好人有好報　眾籌交「牛肉乾」樓主婉拒

帖文引來許多網民留言，「好人有好報，伯伯唔記得點返屋企真係心噏」、「好人！呢啲咪真係善良囉，好人有好報嘅，320蚊當換嚟伯伯嘅安全，尊重！」、「多謝你！伯伯一定好無助同驚先會喊，好彩你留意到佢，佢真係好好彩，有你帶佢返屋企」。

有網民提供眾籌幫樓主邀交「牛肉乾」，「真心想知，樓主接唔接受我哋既心意？，10個人每人$32、8個人每人$40、5個人每人$64」。不過，樓主回覆指多謝網民心意，建議大家如有空閒錢可以捐給毛守救援等救助小動物的組織，「幫下啲小動物，先為小動物多謝你哋」。


原文網址: 長沙灣失智翁迷路　港男司機送回家被抄牌罰$320　網民：點諗都抵 | 香港01 https://www.hk01.com/article/60296586?u ... m=referral


司機認真抵得諗，尤其係依家咁多騙案下，仍然肯幫人幫到底，抵讚

[去去無氣走]

司機好人有好報

多得司機留意到伯伯唔係伯伯當時一定好徬徨無助

[Oncidium]

伯伯好彩遇到呢個熱心助人嘅司機幫佢安全返到屋企。
呢位司機真抵讚！