响街見到錢，你敢唔敢執

[eden小五]

黃竹坑商場有錢無人執，4張紙幣共200多元散落地上，路人視若無睹直行直過，其中一人的反應更是震碎網民三觀。有網民猜測多種原因，擔心墮「跌錢黨」陷阱可能是其一。


黃竹坑商場有錢無人執，4張紙幣共200多元散落地上，路人視若無睹直行直過，其中一人的反應更是震碎網民三觀。有網民猜測多種原因，擔心墮「跌錢黨」陷阱可能是其一。詳情見下圖及下文：

$200多元棄地上 黃竹坑商場有錢無人執逐張睇↓↓↓↓
+2
樓主：好耐都冇人執
樓主昨日（30日）在社交平台Threads上載短片發帖，留言「有冇人喺黃竹坑THE SOUTHSIDE商場跌咗200幾蚊，企咗喺度好耐都冇人執」。

網民：踩錢，條友咩料？
片中見到其中一名路人更無視地上的鈔票直接踩過。對於這個踐踏金錢的行為，有網民震碎三觀地指「阿伯視錢睇如糞土」、「踩錢，條友咩料？」，並指「好難得啲人直行直過」、「發雞盲，啲人習慣唔望地下，萬一踩到人屎牛屎都唔知」。

不少留言也流露出對「地上執到寶」的疑慮，質疑這會否是「跌錢黨」騙徒的新手法，擔心「一執就成班人湧出嚟」，也有人猜測這有可能
「社會實驗」或「trap（陷阱）人」的圈套。


網民：有閉路電視，點執呀
有人則建議「報警，留守現場，至少有好市民獎。如果騙徒見到有人執就衝出來」、「我會叫保安，不會自己拾」。拾金不昧、路不拾遺都是美德，但有敢言的網民卻揭出人性醜陋的貪念，稱「如果個場冇人，一早就執咗啦」，並坦言「有閉路電視，點執呀大佬？」。

另有人自爆曾遇上類似場景，稱「有次我喺大埔超級城見到Starbucks門口地下有$150，經過嗰陣我只係望咗眼然後就走咗，但我有好奇會唔會真係有人執所以回頭看，唔夠1分鐘返去原位已經冇咗‍」、「我行山見過有過千蚊好多$100、$500同$50紙幣大家經過都唔執」、「我喺西鐵站見到$100無執，專登行前十步都未數完已經有人執咗」。


來源網址 : 200多元棄地上-黃竹坑商場有錢無人執-憂跌錢黨設陷阱-路人反應震碎網民三觀Juicy叮 | 星島頭條
https://www.stheadline.com/local-topics/3540509/

若我見到地下有錢，我敢執架﹗不過我會交去差館。

[Oncidium]

我會通知商場保安。
而家呢個世代，如果執咗，其他人未必認為你係諗住交俾警察，反而會斷章取義，拍片放上網公審，話你貪心、想據為己有。就算事後澄清，證明自己清白都好麻煩。