茶記術語凍檸茶「茶底反咗」係乜？

[eden小五]

近日，有網民指日前在茶餐廳叫了一杯凍檸茶，喝了一口後發現味道苦澀、茶水混濁，於是向店員反映「茶底反咗」，「同伙記話講個檸茶茶底反咗，要換過杯。」不料店員竟聽不懂甚麼是「茶底反咗」，「點知佢同隔離第二個伙記都聽唔明咩叫反咗。」讓樓主不禁自嘲：「呢個係咪『老人term』？」

網民長知識：原來有個特別嘅term
帖文引起網民熱議，不少網民表示從未聽到這一術語，「90後表示未聽過，長知識了」、「真係唔識」、「長知識」、「原來個term叫反咗，成日飲到啲濁過屎水嘅茶底，又澀又苦真係嬲到傻，未試過叫佢換添，下次要試。」

樓主後續解釋，「茶底反咗」是茶記行內術語，當茶底在未攤凍的情況下直接撞冰，便會令茶膽突然快速冷卻，茶內的茶黃素迅速凝結，單寧酸和咖啡因開始沉澱，最終形成霧化和混濁的情況，且口感會變得較為「嚡口」和苦澀，「茶黃素凝結 + 單寧酸/咖啡因沉澱，搞到啲茶霧化同混濁，帶有苦澀味。」

來源網址 : 茶記術語凍檸茶茶底反咗係乜-食客自嘲老人伙計都聽唔明-網民長知識原來有個特別嘅term | 星島頭條
https://www.stheadline.com/food/3594742/

我都係而家至識咩叫"茶底反咗"，真係長知識。
 

[Oncidium]

我都未聽過喎。
我覺得「肥妹」、「甩色」、「汪阿姐」呢啲術語都好有趣。

.
.
.
.
.
.
「肥妹」（熱朱古力）
「甩色」（熱檸水）
「汪阿姐」（熱咖啡）

[去去無氣走]

呢個真係長知識

好多茶記術語都好有趣

[去去無氣走]

我都未聽過喎。
我覺得「肥妹」、「甩色」、「汪阿姐」呢啲術語都好有趣。

.
.
.
.
.
.
「肥妹」（熱朱古力）
「甩色」（熱檸水）
「汪阿姐」（熱咖啡）

仲有「飛沙走奶」、「細路鴛鴦」、「和尚跳海」都好盞鬼充滿香港特色

[AvadaBanana]

我都係今次先識依個術語

反而，啲野飲 別稱 就聽得多

不過，依家應該會愈來愈失傳，因為大家都用 QR code 落餐

[去去無氣走]

我都係今次先識依個術語

反而，啲野飲 別稱 就聽得多

不過，依家應該會愈來愈失傳，因為大家都用 QR code 落餐

都係……QR 落單會缺少左呢個咁特別的茶餐廳文化