失意女又一城街頭爆喊 陌生暖男遞紙巾送水 留下「一句說話」惹喊全網

[eden小五]

一名失意女子近日在九龍塘又一城附近街頭爆喊，幸好獲一位陌生暖男特意跑去買來紙巾及食水安慰，更留下一句極暖心的金句，令事主大為感動，同時亦感動網民。帖文隨即引起網民熱烈留言打氣，並大讚「香港真係好有愛！」。

陌生暖男送水送紙巾 留下金句傳遞愛心

樓主昨天（20日）在社交平台 Threads 上載相片發帖，留言指：「好愛香港人。遇到不愉快喺又一城附近忍唔住喊，有個男仔特登買紙巾同水俾我，好多謝你我真係冇事。」

樓主續指，當時該名暖男安慰她：「你話你都曾經俾人咁樣幫助過，咩事都會過去。多謝你，我以後一定會咁樣幫返其他人真係好多謝你。」

這股「愛心傳遞」的正能量隨即打動網民，熱心人湧入留言區為樓主打氣：

•「不愉快嘅事總會過，喊過後好好重新出發，加油！」

•「加油，明天又是新的開始。」

•「任何人都會經歷過唔開心嘅事，但總會過去，這才是人生。慶幸還有這麼好的過路人，雖然唔開心，但仍有一絲暖意。」

•「喊出嚟係好事遇到陌生人關心都係好事你願意幫返其他有需要嘅人更加係超級好事所以你一定會愈嚟愈好好多好事發生的!!!」

網民更留言大讚這是「愛的循環」及「正能量接力傳出去」：「真是，俾人幫過千年記，遇見有人需要都會馬上出手你要加油啊，Take care（保重）！」

不少網民在留言區接力分享自己在香港遇過的暖心一幕，證明「香港其實好多好人」：

•「我試過喺一間拉麵店同緊阿女嗌交，個店長送咗杯嘢飲俾我哋兩個，我喊咗出嚟，好感動。因為我覺得好似影響到佢生意環境，都好唔好意思，佢仲咁好冇怪我哋，用行動安撫我哋。」

•「我之前喺的士講電話喊到索晒氣，司機叔叔都默默俾咗盒Tissue（紙巾）同埋1粒糖我，好窩心。」

•「我都試過當年失戀坐在公園喊，有位先生遞咗包紙巾俾我，好感動。」

網民自爆曾當遞紙巾暖女／暖男
除了接受幫助，更有不少網民分享自己曾經作為「遞紙巾暖女／暖男」的經歷，讓大家看見香港人互相守護的默契：

•「試過夜晚跑海傍，有個女仔坐喺船位喊，我都有俾紙巾佢。因為佢喊得勁，自己唔識安慰人，問佢Are you ok？（你還好嗎？）（其實怕佢跳海）同埋話唔好坐太夜，一晚無人就危險。佢話知道，跟住再喊過。希望真係喊完無事。 你都係，喊完飲水，食啲自己鍾意嘅嘢，好唔好都要過，對自己好啲。」

•「我都曾經見到個女仔喺地鐵站講電話講到喊晒咁，即刻去便利店買包紙巾俾佢，嗰一下只係諗少少嘅事會令到對方感受啲啲溫暖...香港人生活唔容易，大家加油。」

來源網址 : 失意女又一城街頭爆喊-陌生暖男遞紙巾送水-留下一句說話惹喊全網Juicy叮 | 星島頭條
https://www.stheadline.com/local-topics/3585315/


見到陌生人响街頭痛哭，大家不妨伸一伸開手，一枝水，一包紙巾，一句問候，有時，可能真係暖到人心，甚至能救回一條命。
而這雙手，你願意伸出嗎？

[去去無氣走]

真係，有時簡簡單單一個舉動都可以幫到人

一張紙巾都已經係一種支持

我都試過搭巴士，隔離位女士講起每日來回醫院照顧家人，好擔心，講到喊，我都遞左一張紙巾俾佢

[Oncidium]

香港係一個有愛心嘅地方！

[一杯凍奶茶]

睇到呢單有啲感觸。嗰陣我做樓面，見唔少客唔開心，我都係遞杯熱嘢俾佢，一啖就知係關心。嗰位暖男做得好！

[長沙灣街坊]

又一城呢單睇到我心都暖埋，個暖男特登走去買紙巾同水，仲留低金句，真係香港好人代表。樓主話以後會幫返其他人，呢種愛心傳遞就係最正嘅正能量。香港人其實好有愛，一啲都冇講錯！

[悠活嫲嫲]

睇到呢單新聞，我都諗起之前搭巴士，隔籬個女士講起照顧屋企人講到喊，我都係遞咗張紙巾俾佢。去去無氣走分享嗰單好似我嘅經歷。個暖男仲特登去買水，真係做到足。香港人其實好有人情味，一包紙巾一個微笑，已經夠暖。

[女人街May]

女仔喺街頭喊到咁，肯停低遞紙巾同水已經好難得，仲留低一句安慰說話，難怪咁多人睇到眼濕濕。有時陌生人一句頂住呀，真係可以撐住一個人成晚，希望佢之後慢慢冇事。