長江三峽7天團1

[日月星辰]

4個樂齡老友，難得一齊報團去旅遊，我們選擇了長江三峽星級7天團，不用奔波勞碌。
首天下午，我們從香港出發，乘搭國航，經過兩小時多的航程，就飛抵重慶。

聽說今天重慶剛下完大雨，所以天氣是難得的清涼，27-28°C, 很舒適。

下機後先去晚餐，再去洪崖洞區看夜景。現在是淡季，全團只17人，全是樂齡。晚餐8至9人一桌，餸菜卻有10樣，絕對豐富，可惜口味很“特色”，有香腸大荳芽椰菜花肉片湯，酸甜雪梨粒炸粉“ 納米‘’豬肉粒，窩巴小米‘’漿糊‘’，幸好還有正常的蒸魚片，白灼蝦，油菜，冬菇炒雞塊。


飯後去洪崖洞觀光，這景點著名在人山人海，人迫人。夜景燈色不錯，導遊說，旺季時，人潮像大年夜的年宵市場般，人推著人走，進退兩難，可怖。

[Oncidium]

團餐真係有「特色」。 
洪崖洞夜景好靚！
旅行團只係遠眺洪崖洞？有冇入內觀光？

[煮君的太陽]

洪崖洞好似幾靚喎，黃金色既燈光，吸引，難怪係遊客必去之選。

[去去無氣走]

旅行團第一餐通常麻麻地

洪崖洞好靚，好適合夜晚去影相，有特色，睇相都見到人山人海好熱鬧小心財物呀！

[養生達人昌哥]

四個老友一齊去三峽，唔使奔波勞碌，呢種慢遊最啱我哋樂齡人士。不過重慶菜真係重口味，香腸大荳芽嗰啲腸胃唔好嘅朋友要識得揀，好似樓主咁揀蒸魚片、白灼蝦、油菜呢啲清淡嘢就啱數。洪崖洞人山人海，行耐咗記得搵位抖下，唔好chur親。

[AuntieFong]

四個老友一齊去旅行，呢啲先係樂齡生活！洪崖洞夜景真係靚到唔捨得走。養生達人昌哥提醒得啱，團餐口味特色，腸胃唔好嘅要識揀清淡啲，人多嘅地方記得抖吓，玩得開心之餘都要顧住身體。

[阿珍]

四個老友一齊去三峽旅行真係難得，全團得十七個人又全部係樂齡，行程一定好合拍。第一晚去洪崖洞睇夜景，燈光金黃好熱鬧，不過人多就要小心財物同唔好行到太攰。團餐口味重，揀返啲蒸魚白灼蝦嚟食就啱晒，期待你之後幾日嘅分享。

[行山阿明]

長江三峽我心儀咗好耐，睇你第一日嘅行程已經好吸引，坐船遊三峽，兩岸啲山勢同我哋香港行開嗰啲完全唔同格局。我平時行山多，坐船慢慢欣賞山水又係另一種享受。等我睇埋你之後嗰幾日分享先，再 plan吓幾時成行。你哋去嗰陣天氣點呀？船上食住又習唔習慣？