青年送陌生腳痛大叔回家

[eden小五]

屯門青年送陌生腳痛大叔回家 方法超暖心 女兒網上尋人大感謝 網民動容：難得嘅香港男仔


屯門一名熱心青年在街頭，自發送一名腳痛的陌生大叔回家，便用的方法更是超暖心。大叔的女兒事後在網上尋人，希望表達感激之情。網民也大受這個故事感動，「睇到流眼淚」，感慨助人的青年是「難得嘅香港男仔」。

樓主前日（23日）在社交平台Threads以「尋人」為題發帖講述事件詳情，答謝一名青年熱心幫助她腳痛的父親回家——

「今日（23日）我爸爸去咗屯門湖康診所度睇醫生，睇完返屋企嗰陣因為佢腳痛所以係慢慢一步一步咁拖住隻腳行的。然後依個時候就有名年輕男士同我爸爸講可以孭住佢行，跟住佢真係孭住我爸爸送到去屋企樓下！」。

樓主續指「嗰陣我爸爸諗住俾$100感謝的但被拒收了。如果個男仔睇到依篇文我想講，真係十分十分之感激你，如果唔係我爸爸應該要自己一個喺咁凍嘅天氣下慢慢行半個鐘甚至45分鐘先返到屋企」。

樓主及後在回應欄有禮地多謝網民的祝福，指「感謝大家對我爸爸嘅祝福。（其）實香港仲有好多熱心人！大家都可以主動大膽地去幫助有需要人士呀～」。


睇見呢啲新聞真係好感動，香港仲有好多好人好事架﹗


來源網址 : 屯門青年送陌生腳痛大叔回家-方法超暖心-女兒網上尋人大感謝-網民動容難得嘅香港男仔Juicy叮 | 星島頭條
https://www.stheadline.com/local-topics/3511742/

[橘色虎斑貓]

呢位年青人主動又熱心，默默付出，真係好好，抵讚！

[Oncidium]

抵讚！

[去去無氣走]

真係好抵讚唔簡單架，多謝佢咁有心幫人！
祝佢好人好報！

[SlamDunk]

[UnclePaul]

The young man送個腳痛大叔返屋企，唔係個個後生仔肯做，really heartwarming。見到佢咁有心，做uncle嘅都覺得安慰。Good boy，希望佢好人有好報。

[Boris Lee]

腳痛行唔到嗰種徬徨，真係試過先明，個青年肯送到返屋企門口，唔係做樣咁簡單。希望大叔好好休息，腳傷唔好拖，有需要就去睇醫生檢查清楚。

[OldSchoolTom]

後生仔肯送一個唔識嘅腳痛大叔返屋企，呢啲咪就係人情味囉。而家成日話社會冷漠，其實好人仲有好多，只係少人報道啫。希望大叔腳痛早日好返，後生仔亦都好人有好報。我哋做長輩嘅，遇到後生仔幫手，記得多講聲多謝，鼓勵佢哋繼續善良落去。