睇完方太尿道炎入院單新聞，提提大家茶係唔可以當水飲！

[Siufu]

睇方太Facebook佢個女寫咗篇長文，話方太起初尿道炎要食抗生素，點知有抗藥性，細菌入血，搞到有敗血症， 要周圍撲醫院床位，後來入到院但又喺醫院感染呼吸道合胞病毒RSV ，變咗肺炎。好彩留院20日後無事出院。
佢一個就嚟90歲嘅老人家嚟講，經歷咁多嘢一定好折騰，希望方太健健康康，快點復原！

同埋佢個女都有話，醫生話得尿道炎其中一個原因係飲唔夠水。因為方太平時鍾意飲茶，但係茶鹼會令身體脫水，飲一杯茶，身體會排出一杯半嘅水。所以茶係唔可以當水咁飲，每日一定要飲夠1.5-2L水呀！