九巴驚現走失倉鼠 乘客善心相助交車長處理

[去去無氣走]

九巴驚現走失倉鼠　乘客善心相助交車長處理



寵物走失往往令主人心急如焚，幸好坊間不乏好心人出手相助。近日Threads上有網友分享一段趣聞，指自己今日(22日)上午10點乘坐九巴182路線時，竟在車廂走廊見到一隻奶油色、神情略顯驚恐的倉鼠，忍不住驚嘆，「咁大個仔第一次搭巴士竟然有倉鼠走出嚟！」事主沒有袖手旁觀，立即捉起倉鼠放入膠袋，再交予車長處理，並在平台上提供巴士路線及時間，希望小倉鼠能盡快尋回主人。





事主更上載影片，片中可見倉鼠被掛在車長旁邊的扶手。有網友擔心倉鼠困在膠袋內會受驚或透氣不足，事主則回應，「我全身上下除咗肝膽相照、義氣風雲、帶點戇直之外，多出嚟嘅只有膠袋一個。」他強調膠袋綁口時留有空隙，讓倉鼠能呼吸，已盡力減低牠的驚恐，並感謝車長專業處理。

其後，一名自稱是該程巴士車長的網友亦留言，指曾嘗試把倉鼠放在水樽位置，但牠爬出來，無奈之下才用膠袋暫時安置，並留了大窿讓牠透氣，更稱倉鼠到達愉翠苑總站時「落車仲好生猛」。另一位街坊則表示，已聯絡站長，並提供倉鼠籠安置走失的小動物，稍後更由愛協接走。



網友：司機哥哥有哈姆太郎陪你開工

事件引來大批網民讚賞事主及街坊的善舉，留言指「好人好事！膠袋袋住都係迫於無奈」、「好彩你發現到佢，否則可能會被誤認為老鼠踢死」、「最緊要安全」。亦有人打趣笑說「司機哥哥有哈姆太郎陪你開工」。有養倉鼠的網友則分析，倉鼠天性喜歡亂跑，掙扎並非因為害怕，而是想出去玩，分析「主人係想拎佢出嚟玩點知鬆手走失，係膠袋到掙扎係想出去而唔係驚，驚既本能係詐死同尖叫。」

https://www.am730.com.hk/article/1020153

[去去無氣走]

咁都有！嚇親哈姆太郎喇

希望失主快D認領番啦！唔好亂帶哈姆仔出街喇

[行山阿明]

做咗咁多年巴士司機，行李篋乜都見過，倉鼠喺車廂走廊跑就真係未遇過。位事主手快捉住交畀車長，車長又諗到擺水樽位同留窿透氣，好專業。想問下大家：如果你喺車上見到隻倉鼠走嚟走去，你會第一時間幫手捉，定係擰轉面扮睇唔到？

[Wah哥]

第一次聽搭巴士有倉鼠出嚟打招呼，真係奇遇。事主用膠袋袋住，仲識留罅俾佢透氣，醒目。車長專業處理，愛協又接走，大家都做得啱，好人好事就係咁簡單。

[懷舊收藏家]

倉鼠仔都識得搭巴士，真係估佢唔到。好在乘客同車長都咁有愛心，即刻出手幫手。以前啲人情味就係咁簡單直接，希望隻倉鼠快啲搵返主人啦。

[金齡學苑]

巴士上面走失倉鼠真係第一次聽，乘客同車長處理得好醒目，仲識得畀佢透氣等愛協接手。細細隻動物都係一條生命，肯停低幫手就係好品格。希望主人快啲接返佢，以後帶寵物出街真係要睇實啲。