修女也出走

[煮君的太陽]

以前有套戲叫"修女也瘋狂"，諗返起都好好笑，而家現實版就有"修女也出走"喇，幾位修女見証左咩叫"堅持"、"信念"。

奧地利八旬修女安老院「出走」 違教區命令重返修道院 IG分享彌撒日常變網紅

教區本住年過八旬既修女，自理能力變差，所以送佢地去安老院安享晚年，但幾位修女極想念佢 地居住左大半輩既修道園。

所以佢地決定就算違令都要搬回修道園，搬回後眼見修道園早已棄置，並已停水停電，物資又短缺，可幸既係有支持者聯手送物資，幫忙送水送電，仲送埋醫療支援，令佢地得以安心繼續居住。

三人又開設IG，短短十日已吸引逾 1.7 萬名追隨者。

修女們分享祈禱、用餐、彌撒等日常，包括在升降椅已被拆除的樓梯緩慢行走，親自通水管等，吸引世界各地媒體爭相追訪。事件在當地引起爭議，有人讚賞她們對信仰、家園和尊嚴的堅持，也有人擔心她們健康堪憂，應該回到安老院。

究竟佢地需要入住安老院，定繼續佢地本身既意願，留守於修道院呢？值得深思。

 

[eden小五]

真係兩難。

一方便佢地三個咁老喇，若有一日，其中一個有事，其他兩個會唔會幫到佢？

但若強行要佢地去老人院，唔諗佢地既意願，又好似有啲不妥咁。

唯有希望多啲年青、有能力既人士，多啲去關心佢地喇。