阿媽帶壞個仔

eden小五 · 文章由 **eden小五** » 2025年 9月 19日, 15:50

母子凌晨3點闖觀塘工廈偷單車！

近日，位於觀塘鴻圖道工廈的醫護及急救專門店以「尋單車啟事，兼送你一個單車夢」為題發文，稱其停泊在門外的單車被一對母子偷走，更附上CCTV片段證明。從影片的時間顯示，當時正值凌晨3時22分，一對母子穿著拖鞋走到店舖門外，並在單車堆中推出一部單車，期間兒子更興奮「跳跳紮」，整個過程不足1分鐘，單車已然被偷走。

公司在帖文中表示，指明白擁有一部屬於自己的單車是開心事，「尤其見到你哋半夜三更，著住拖鞋，專程嚟到工廠大廈，充分體現到你哋對於單車嘅熱情。」不過由於該單車對公司的日常運作至關重要，故呼籲二人可盡快歸還單車，「我哋有經常工作要用到呢部單車，少咗佢真係有點頭痛。」老闆更大方表示，只要肯將單車歸還，「我哋唔單止唔追究，仲會送一部全新單車畀你，幫你實現單車夢，將來仲有機會加入我哋嘅單車隊添呀。」

半夜三更，做人阿媽不特唔叫自己個仔去瞓，仲帶埋個目測十歲左右個仔出去偷單車，呢啲係咩"身教"呀？

來源網址 : 母子凌晨3點闖觀塘工廈偷單車CCTV斷正興奮推走單車畫面-醫療公司籲盡快歸還唔追究仲送全新單車畀你 | 星島頭條
https://www.stheadline.com/lifetips/3499922/

去去無氣走 · 文章由 **去去無氣走** » 2025年 9月 19日, 19:58

真係可恥可惡！點做人父母，去教個仔偷野！

我真係好憎呢d人，因為我被人偷過幾次單車！

搞到以後都唔敢買！

Oncidium · 文章由 **Oncidium** » 2025年 9月 20日, 17:32

偷嘢已經唔啱，仲要帶埋小朋友一齊去，教壞下一代！

橘色虎斑貓 · 文章由 **橘色虎斑貓** » 2025年 9月 20日, 18:37

失主要求物歸原主後不再追究，係俾機會對方，希望對方知錯能改。但失主唔應該話送新單車俾對方，咁樣可能會俾個錯誤觀念對方(特別係小朋友），認為偷嘢係唔會受罰，反而有獎。

失主咁做可能變相鼓勵盜竊。

去去無氣走 · 文章由 **去去無氣走** » 2025年 9月 20日, 19:41

橘色虎斑貓寫: ↑2025年 9月 20日, 18:37 失主要求物歸原主後不再追究，係俾機會對方，希望對方知錯能改。但失主唔應該話送新單車俾對方，咁樣可能會俾個錯誤觀念對方(特別係小朋友），認為偷嘢係唔會受罰，反而有獎。

失主咁做可能變相鼓勵盜竊。

無錯！其實唔追究已經俾左好大機會對方！仲要送單車，呢d人唔會多謝你，反而認為係佢應得