即興詩一首

[AvadaBanana]

《又打風》

又打風，捱貴餸，
商販加價不言中，
超市蔬菜成新寵，
比人搶剩一棵葱，
食米麪包都睇重，
全部貨架已掃空。

又打風，真慘痛，
黑雨八號要返工，
滂沱大雨龍捲風，
衣衫盡濕眼都矇，
水浸街時掘地洞，
成功抵壘係英雄。


橫風橫雨之下 的 即興詩一首，大家有興趣可續寫。

[海獺王~]

今日真係好大雨

我接後面

又打風，佢地衝，
全家出動四圍貢，
做事唔識分輕重，
要睇波濤點洶湧，
滑吓巨浪怒海中，
連累消防正衰公。

又打風，較定鐘，
預報落波咪輕鬆，
搶閘出門急先鋒，
巴士港鐵排長龍，
唔想遲到面懵懵，
老細鬧完扣人工。

[開心一夢]

寫得好，鬧得好，最憎啲人，一家大小話去追風，唔理自身安全，仲分分鐘連累消防員，因為要救佢地而有傷亡。

[SlamDunk]

[開心一夢]

多謝你地在狂風暴雨中，都緊守崗位，服務市民，致敬。

[橘色虎斑貓]

寫得好，鬧得好，最憎啲人，一家大小話去追風，唔理自身安全，仲分分鐘連累消防員，因為要救佢地而有傷亡。

一定要鬧！

如果出咗事，唔單只消防員要冒險救佢哋；大風大雨下出勤，警察同救護員等相關人士都可能會被連累。

[煮君的太陽]

打風，真係要留响屋企啦，追咩風吖，連累到人地時，個心點會安樂既。

[去去無氣走]

作得應景！