預製菜來襲

[eden小五]

 近年不少餐飲業者為節省成本與人手，紛紛引入「預製菜」應對營運壓力，但這類食品的安全性與品質一直備受關注。近日有香港網民在社交平台分享親身經歷，表示在內地某餐廳享用煎蛋時，竟發現蛋面上印有紅色字樣，懷疑是包裝上的印刷痕跡未清除，引發熱議。
煎蛋疑似「印刷品」 港人直言不敢再食該名網民指出，煎蛋表面出現一行行紅色印字，懷疑是冷凍加工品在包裝過程中沾上墨水。他對此感到震驚，並表示以後不會再在內地餐廳點煎蛋。此帖一出，引來不少網民留言，有人戲稱：「食完個肚都變打印機」，亦有人笑言「煎蛋都識教你營養成分，真係好貼心」。

 
網購平台現蹤跡 冷凍煎蛋成熱話有網民更翻查內地電商平台，發現確有類似冷凍煎蛋出售，包裝多達百件，售價由¥50起跳，部分更標示原料來自烏拉圭。有人表示這類蛋口感偏硬，味道平平，「似膠冇蛋香」，更驚訝「煎蛋都可以預製，真係估你唔到」。
網民創意發揮：「記憶煎蛋」登場煎蛋上的字樣亦引發網民創意發揮，有人聯想到《多啦A夢》的「記憶麵包」，笑稱這是「記憶煎蛋」，甚至有人說「枕頭有記憶棉，雞蛋都有記憶功能」。另有網民反諷：「煎蛋印埋成分表，真係良心出品」、「食完唔止飽，仲識晒蛋白質比例」。
 
網友甚至搞笑表示食用這款「有字」煎蛋，整個都會「滿肚墨水」、「食字真係會飽」；有網民反諷說笑「良心煎蛋」，「試圖將營養標籤同成份跟埋落去俾你睇」、「印埋字比你，好有工藝」。
 

而家餐飲業用預製菜越來越普遍，有啲係可以接受既，如水煮魚，但連煎隻蛋都要預製，咁又誇張左啲卦？而家煎隻蛋用好多時間咩？我就接受唔到喇。

[去去無氣走]

其實我覺得政府真係要規管預製菜，或者要求預製菜要係餐廳店內店外標明，保障番消費者。

我去餐廳食野，當然就唔想食預製菜啦！如果係預製菜我自己屋企煮/買包番屋企蒸都得啦，洗咩出街食咩！仲要講緊煎蛋都要預製