伯伯搭的士忘地址 司機耐心解困獲激讚

[eden小五]

據的士車cam拍低司機與伯伯的對話，由「口頭帶路」無從入手、到司機向的士台問路、再到伯伯想起親友電話號碼，司機全程耐心沉著。直至地點「真相大白」，司機將伯伯送到目的地才鬆一口氣。司機呼籲大眾「關心多啲老人家」，又建議若家中長者記性不好，可寫下住址或聯絡電話掛在長者身上，必要時他人亦可施援。 
該名的士司機上載的片段見到，的士起初在何文田窩打老道，伯伯提及位於元朗的洪天路，又指示司機在前面轉左，司機回應指轉左會駛到加多利山，「啱唔啱㗎？」。
伯伯回應稱是，但的士繼續行駛期間，伯伯又提及要去山上的「小花園」，並稱是「28C巴士上山」可達的地方，後來又改口說要去不存在的「文理道」、「文理街7號」。
 
惟的士當時所在位置，在何文田嘉道理道、布力架街附近一帶，司機猜不出伯伯想前往的地方，決定向的士台求助。有「行家」回應是否要到港島堅尼地城，伯伯斬釘截鐵稱不是；之後又有人問是否窩打老道山，伯伯即回應說「係呀！」，司機亦連聲向行家道謝。
 
由於一直未能確定伯伯的目的地，的士司機唯有向他說：「你講唔到畀我聽呢，我搵警察幫你㗎喇。」此時伯伯突然指着附近一座啡色外牆的大廈，稱要去「呢幢高樓」，司機再三向他確認後起程，途中伯伯突然想起家人電話，司機於是代為致電聯絡。
 
司機最終得知，伯伯要前往的地方，原來是何文田文運道一個私人屋苑，終於成功將他送回家。途中司機亦苦口婆心地勸伯伯，「嗱你下次寫低個地址，袋住喺個身嗰度知唔知道呀」，指幸好伯伯遇到他，否則恐怕會「唔知去咗邊度㗎喇，話畀你聽，失咗蹤㗎喇咁樣你！」，又提醒伯伯若不知道地址，便不要獨自外出，「危險吖嘛！」

司機在片段最後提及，為伯伯尋家花費近45分鐘，「但起碼伯伯係安全返咗屋企先囉」。他發帖時提及，錄影只為保障自己，因為唔知佢係真失憶定係假傻」；又呼籲家中有長者的人「真係關心多啲老人家啦」，並建議家人寫下住址或聯絡電話，掛在長者身上，「我哋做司機嘅，有咩嘢都可以幫到佢囉，即係車到返屋企，最低限度都，搵到佢屋企人」。
 
不少網民看過片段和帖文後，大讚司機「好有耐性」、「值得畀個讚你」、「好人一生平安」、「司機叔叔，你好好人，值得一讚」、「多行善事，必有福德」亦有人提供建議，指可以將定位裝置或聯絡資料放在長者銀包或身上，「個人走失左（咗）都可以易d（啲）搵到」。

原文網址: 好人好事｜伯伯搭的士忘地址　司機耐心解困獲激讚　籲多關心老人 | 香港01 https://www.hk01.com/article/60296602?u ... m=referral

今次真係好彩遇到個咁細心體貼既司機咋，否則，老人家無記性，好易出事。
 
 

[去去無氣走]

司機好好人，又有耐性
最後幫伯伯成功番屋企

[SlamDunk]

好司機，大好人！

[橘色虎斑貓]

司機嘅耐性同愛心值得讚揚！

另外，希望伯伯家人幫伯伯做個地址同緊急聯絡資料卡俾伯伯隨身攜帶，因為下次未必遇上咁好嘅司機。