宏福婆婆陷火海打999慘被耍 「警」然話：有需要再打

[eden小五]

宏福苑聽證會揭警方在接聽緊急求助電話時做事草率、敷衍了事，更有宏福苑居民報案後命喪火海！獨立委員會昨日舉行第二輪第4場聽證會，有證據顯示，大火期間有市民曾致電999熱線，但警方並無轉駁電話至消防部門，最後求助人罹難。

獨立委員會首席大律師杜淦堃在會上播出多段錄音，有一名婆婆曾打電話到999，指自己身處宏福苑廁所位置「出唔到去」，但警方接線生竟稱「你有需要再打嚟啦咁」，無轉駁至消防，婆婆最終不幸罹難。

亦有求助人曾致電999稱有認識的人被困單位，希望警方將消息轉至消防，惟紀錄反映消防在50分鐘後才首次於現場市民報案中獲悉該宗求助個案，雖成功救人，但該人士後來不治。消防處副消防總長（行動支援及專業發展）黃思律昨作供時，確認通話「唔應該咁，佢（警方）應該要轉駁畀我。」

根據會上錄音，一名婆婆曾致電999熱線，警方接聽時婆婆稱身處宏福苑宏昌閣17樓，見到樓梯口但看不到燈，身處廁所位置「出唔到去」，門口「好多煙」，但警方接線生與她溝通時指「棚架燒咗一樓」，並多次追問婆婆「你需唔需要消防過嚟呀？」婆婆稱「出唔到嚟」時，接線生反問「點會出唔到嚟，你喺廁所」，婆婆數次複述被困廁所，但最後警方接線生只叫她「你有需要再打嚟啦咁」，無轉駁至消防。 黃思律作供時直指此通話「唔應該咁，佢（警方）應該要轉駁畀我」，而杜淦堃亦指出，警方應在第一時間轉駁消防，因求助人難以判斷自己有多危險，不應該詢問求助人是否想求助，而警方方面也無此類指引。黃認為，若由消防接聽電話，消防可給予意見求助者， 又強調以他經驗從無聽過此類情況，亦「唔應該係咁」。而杜最後指出，不幸地該求助者已罹難。


會上亦播出另一段有關宏盛閣2802室的求助電話的錄音，一名教師稱代學生致電999報案，其學生的爺爺有哮喘，被困急需救援，請警方將訊息傳達消防，及後警方接線生收線，無即時轉駁電話至消防。杜詢問黃，此情況下警方應否第一時間轉駁消防，黃回應指是「兩睇，佢（警方）駁畀消防，我哋一定會聽。」杜認為「兩睇就係問題」，黃續指，以他立場不會評論警方行動，但「我覺得佢應駁畀我哋。」

黃又解釋指，在接獲此類求助時，需轉達求助人的資料，包括有哮喘等其他情況，難用傳真等方式通知消防，故「最直接係駁畀消防聽，消防知最理想。」而根據消防紀錄，消防首次接獲此求助個案的時間為火災當日晚上10時11分，但該求助電話警方在50分鐘前已收到，即電話聽完50分鐘後消防才初次接獲求助，而且是消防在現場接獲市民求助，並非因警方電話轉介，杜最後指出，該宗求助個案由消防員在凌晨4時30分救出，但被救人士最後不治，黃認同機制可以優化。

此外，由於部分人士不願出席聽證會，獨立委員會主席陸啟康法官昨日在聽證會開場前曾表示，對於有報章反映社會意見認為，部分人士不願作供可考慮將委員會轉成法定委員會以傳召該些人士，陸指委員會已收到聲音，但是仍須考慮，認為每個方法均有利有弊，強調不會因「怕一個人」而停止或令調查方向有妨礙，委員會亦會在之後，詳細解釋任何決定。

 原文網址：東方日報A1：宏福婆婆陷火海打999慘被耍　「警」然話：有需要再打 | on.cc東網 | 中港台 https://hk.on.cc/hk/bkn/cnt/news/202604 ... 2_001.html

睇到都覺得當時婆婆一定好徬徨，電話接線生真係缺少左同理心，試諗下若大火埋身，加上年老既婆婆，真係會咁清醒講到咁清楚咩？

 

[去去無氣走]

接線生仲衰過AI，一定要人答到某啲字眼先轉駁去消防。

現場環境惡劣，電話都未必收到啦，未計當時婆婆聽又未必聽得清，都講左好大火大煙，出唔到去。咁都唔識轉去消防？？ 制度咁僵化？

同埋當日咁大件事！999 接線主管冇做危機應變措施？當時冇brief 所有接線生？全香港都知宏福苑大火啦，見到地址都識轉駁去啦！

[Oncidium]

聽到真係好心痛，婆婆咁驚又出唔到去，仲要求救都得唔到即時幫助，如果當時有人即刻轉駁，或者結局會唔同，真係好可惜。

[去去無氣走]

聽到真係好心痛，婆婆咁驚又出唔到去，仲要求救都得唔到即時幫助，如果當時有人即刻轉駁，或者結局會唔同，真係好可惜。

聽證會真係聽到好心痛

[橘色虎斑貓]

事件令人心痛，求助者已清楚表達被困與危險，接線處理卻欠敏感與判斷，錯失黃金救援時間，反映制度與培訓有待檢討。希望會認真改善，避免悲劇重演。