夾份買六合彩又爆分彩金風波！

[eden小五]

早前食環署一名衞生督察，涉嫌侵吞15人合資中半注六合彩頭獎3300萬元彩金案，引起全城熱議，事件令「夾份買六合彩」的人性考驗瞬間成為城中熱話，社交平台近日又流傳一宗夾份買六合彩的分彩金風波，事主表示與七名朋友合資買六合彩，買複式最終幸運中了四個字，豈料在分派獎金時竟有人提出奇葩理由拒分錢，最終落得反面絕交收場，事件引發網民熱議。

每人選一字中四個 奇葩邏輯「無選中4個字者無得派」

有網民在社交平台facebook發文，分享自己夾份買六合彩的經歷，樓主透露，曾與六名友人合資購買六合彩複式彩票，七人一人負責挑選一個心水號碼：「試過7個朋友夾錢買複式，每一（人）選一個字，最後中左4個字，分錢時話只有選中4個字的人有份分，最後都係攪到反面。」

更令人啼笑皆非的是，樓主指出，另外三位號碼未被攪出的朋友，不僅夾份合買六合彩的血汗錢付諸東流，甚至反被當作罪魁禍首。樓主隨後補充當時的荒誕對話，指中獎者竟然出言埋怨：「當時真系咁講，話你地3個是旦多一個選中，大家就分多好多錢，果3個好似罪人一樣。」原本眾人齊齊出資搏運氣的美意，瞬間演變成互相指責的鬧劇。

網民齊轟邏輯錯亂：夾錢出資變幫人「搭棚」？

帖文引來大批網民熱議，不少網民直斥這種分錢邏輯荒謬絕倫，指出「夾錢」的本質本來就是共同承擔成本、共享回報，怒斥：「夾錢嘅意思就係要降低成本呀嘛，咁樣買法全無意義呀！」、「咁計法夾嚟把Ｘ」、「揀中先有得分，咁夾黎買做乜？」

有網民更嘲諷，複式投注必須集合眾人的號碼才能成注，如果沒有那三個落選號碼，根本連彩票都無法組成，怒批中獎者過橋抽板：「白痴，冇其他人湊夠號碼，怎會中呀」、「無我其他2個號碼，你呢注都唔成立啦！」、「出錢嘅都有得分，按出錢嘅比例，唔中冇得分不如自己買，點解要幫你搭棚？」

有網民更以足球賽事作諷刺比喻，指如果按照這批友人的邏輯，「成隊人去踢波一個人入球，其他果啲咪唔洗比獎牌？」、「即係踢波咁，贏波就係前鋒贏，輸波就係後衛輸，守龍長期俾人Ｘ。」有網民亦開玩笑反諷，既然落選者被視為「罪人」，「其實應該叫買唔中嗰三位人兄，夾錢賠返頭個獎俾另外估中嗰四位......因為嗰三個佗衰家，唔係嗰3個估錯，7個人中咗頭獎啦！」

六合彩真係唔好夾份買？網民嘆：低成本試到人格

除了分錢邏輯引發爭議，令網民更感不可思議的是涉事金額，以七個字複式中四個攪出號碼，以每注港幣十元全注計算，獎金估計為2080元（三個第五獎和四個第七獎），分拆給七個人，每人不過獲取約三百元。為如此微薄的利益鬧翻，引來無數網民恥笑：「中四個字都搞成咁，六合彩真係唔好夾份買」、「區區為640都可以反面」、「幾百蚊就唔好咁小家啦」、「平時食餐飯開枝酒都會計邊個有飲邊個冇飲」、「一齊食晏，嗰杯嘢飲冇加冰都要減返兩蚊」。

有網民更假設更極端的情況，直言幸好只中了四個字：「如果中6個字就Ｘ街啦，得一條友冇得分！」、「中左六個字一人殺六個都似」。

不過，大部分網民均認為樓主這場「反面」其實賺了，紛紛安慰表示這是一場超值的「人性考驗」，「幾好，咁低成本就可以試到人格，及早講88」、「咁少錢都貪，呢啲朋友不要也罷，好彩咁早睇清楚」、「幾十蚊就試到佢哋人品，往後可以唔駛浪費時間金錢係佢哋身上，賺咗啦」。不少網民最後亦感嘆，古人智慧確實有跡可循，「自古有云：單嫖獨賭、人生美好」、「六合彩呢啲嘢都係自己買，咪夾」，一旦牽涉金錢與私心，再好的朋友亦難逃見真章的下場。




來源網址 : 夾份買六合彩又爆分彩金風波7人合資買複式中獎1原因拒分錢-苦主揀唔中號碼變罪人Juicy叮 | 星島頭條
https://www.stheadline.com/local-topics/3615696/


話明大家夾份，點會中左錢而唔分俾人地架，咁人地咪齋夾俾你去買？呢啲歪理，講出黎都覺得醜啦﹗呢啲朋友，早絶交好﹗

[Oncidium]

唔知算好彩定唔好彩，以前同同事夾錢買六合彩未中過，所以冇遇過咁嘅情況。
 

[去去無氣走]

都係自己買算

由我獨贏啦！

[AvadaBanana]

咁都得...

所以唔太熟夾錢都好麻煩