香港有「龜仙人」 出現﹗

[eden小五]

柴灣道一名長者帶同陸龜過馬路，當時過路處的交通燈「公仔」仍是綠色。
 有網民稱巨龜「好堅」，懂得緊隨主人；有人則指經常在柴灣區見到這頭巨龜，指牠相當聰慧，「佢識返屋企，但係每次行到返屋企，佢就會掉頭走。佢識確認路㗎」，並指龜主間中會以手推車推龜散步。有網民形容長者帶龜散步的畫面溫馨，笑言伯伯是「龜仙人」，「老幼相依好溫馨」。
 
另有網民則擔心巨龜步速較慢，是否有充裕時間過馬路，「兩個阿伯，綠燈唔夠時間過，師兄們都要讓。」、「啲燈其實轉得好快」、「一盞燈夠唔夠時間？」

 
原文網址: 有片｜柴灣「龜仙人」帶巨龜過馬路獲讚溫馨　有人擔心唔夠時間過 | 香港01 https://www.hk01.com/article/60402012?u ... m=referral


 我真係未見過咁大隻既龜响街上行呀，仲咁乖識得跟住主人行添。

[去去無氣走]

我係其他區見過唔知係咪呢一隻

個主人伯伯都好有耐性慢慢行等埋龜龜

[八段錦師姐]

伯伯帶住隻巨龜慢慢過馬路，個畫面真係好溫馨，睇得出佢好有耐性，隻龜又好信任佢。不過網民擔心都唔係冇道理，而家好多過路燈轉得好快，莫講話隻龜，連我哋長者行得慢啲都未必夠時間過晒。如果綠燈唔夠過，寧願企喺安全島等多一轉，都唔好心急同車鬥快。