一粥麵$32艇仔粥優惠今日最後一日，記得十一點後先去

[飲茶達人]

提提各位老友記，一粥麵十月逢星期二至四、上午十一點後嘅指定粥麵套餐優惠，今日十月二十九號就係最後一日。今個星期指定款式係荔灣艇仔粥，三十二蚊連熱飲，仲送五蚊煲仔飯優惠券，不過每人限購一碗，賣完就冇，同埋唔適用於自助點餐機、手機點餐同外賣平台，香港站、機場同屯門醫院分店除外。有興趣就今日早啲去，唔好等到聽日先去到摸門釘。你哋鍾唔鍾意食艇仔粥？