十一月十五日長者日去三棟屋玩非遺童遊：木偶戲、木陀螺、叮叮糖

[攝影發燒友]

十一月十五日就係長者日，三棟屋博物館嗰日有非遺童遊同樂日，朝早十一點至下晝六點，免費入場。現場會變身懷舊遊樂場，有木偶戲、廣東音樂表演，仲可以玩木陀螺同食叮叮糖，好啱一家大細去懷舊吓。三棟屋喺荃灣古屋里，本身係一座有歷史嘅圍屋，行入去影相都好有味道。趁住長者日免費搭車，不如約埋老友記去荃灣行個圈。你哋細個嗰陣有冇玩過木陀螺或者食過叮叮糖呢？