林超英

「我太太真係對我好好！」依句可能係林超英響訪談過程中講得最多的一句說話，他對太太讚不絕口，稱讚太太持家有道、退休後發展個人專業，仲照顧得老公好好，甚至幫佢搵埋私人健身教練！

林超英先生自60歲退休，從天文台台長一職退下來，唔經唔覺已經來到第13年，響工作崗位退下來後仍然百足咁多爪，活躍參與唔同演講、就公眾議題發表意見、不時響個人Facebook專頁分享欣賞 #路邊花草 的樂趣。

唔少人退休後，突然響工作崗位退下來會頓感失落，甚至覺得失去自我價值。曾任天文台台長的林超英，貴為政府部門首長，管理幾百個員工，退休後的他係點樣面對同適應轉變呢？