遺照

之前分享過日本人流行「終活」，即係臨終前嘅準備活動，仍然在生時就為自己規劃好身後事。講到身後事，遺照當然不可或缺，日本就有一啲專為樂齡人士而設嘅影樓，提供紀念照、生前遺照嘅影相服務。

50、60歲仲後生，真係有必要預備定後事？人生無常，無人估到自己幾時離開，50歲後準備好臨終筆記， 提早安排身後事 ，唔單止可以令人生最後一程更圓滿，同時都係減輕家人負擔。