小小豬Kinsey

依排天氣都總係帶點點潮濕，依啲天氣又真係好容易令人皮膚搔癢，而且又會成日都好似易倦兼腰痠背痛，所以今日去街市買材料煲時，店主就介紹我煲依個牛大力土伏苓粉葛豬骨湯啦！

記得藥材店叔叔曾經教過，煲多啲白色嘅藥材有對補肺潤肺都好有幫助，咁而家情況就當然要補多啲個肺，所以響閉關嘅情況下，搵曬屋企有嘅現成材料，煲一個養陰潤肺嘅沙參玉竹雪耳合掌瓜素湯啦！

今朝買餸時見到又有靚靚嘅西洋菜即刻心心眼，正當我諗緊煲乜料嘅時候，店姨姨就教我用栗子同陳腎一齊煲，佢話西洋菜同栗子係好夾，煲出嚟啖湯特別甜哦！

南瓜、粟米同埋紅蘿蔔一向都係好有營養豐富，既可增強免疫力，仲可以養胃健脾，但原來佢地都係對眼睛好好，咁就啱晒依家要護眼嘅小小豬，所以就快快手買齊材料，煲依個超甜嘅瑤柱南瓜粟米湯啦！

小小豬成日行幾步就好似冇氣冇力，唔多唔少同體質有關係，所以請教咗藥材店叔叔，佢就教我煲依個簡簡單單就可以做到平補，提氣健脾又有助提高機體免疫能力嘅黨參栗子蟲草花螺頭瘦肉湯。

最錫小小豬嘅兩位姨姨嚟食飯兼陪玩，就當然要煲啖靚湯俾佢地飲嚟慰勞佢地。原本都唔知煲咩湯，當我去藥材店入貨時，店主姨姨就向我介紹依個石斛草湯包，既可以清肝益胃，而且可以清熱滋陰又潤肺。聽落又好似幾啱依家天氣飲，所以就買返份材料，再加印度椰子同埋合掌瓜嚟煲靚湯啦~

剛好係街市見到大大粒嘅木瓜，又係店主姨姨大力推薦下，我就買左嚟，加埋啲栗子、粟米…… 咁就嚟一個啱晒大小朋友嘅健脾養胃又可以生津止渴嘅木瓜栗子粟米靚素湯啦~

今次煲依個蟲草花鮑魚淮山瘦肉湯，既有增強免疫力嘅蟲草花，又有小小豬鐘意食嘅鮑魚仔，更加好嘅係個湯滋陰潤肺、強身健體，而且仲甜甜地好好飲，所以小小豬都話正呀~