大澳文物酒店導賞團｜深入認識120年歷史古蹟　每日3節費用全免 (附預約連結)

大澳文物酒店除咗提供住宿及餐飲服務，每日上午11時至下午6時仲免費開放畀公眾參觀。如果想了解更多依座過百年歷史建築物，仲可以參加埋導賞團，每日3節導賞團，每節20分鐘，費用全免。

大澳文物酒店前身為大澳警署，參加導賞團走入依座建於1902年嘅殖民地色彩建築，感受箇中歷史及文化，正好作為展開大澳文化體驗之旅嘅起點。一次20分鐘嘅免費旅程，讓旅客猶如時光倒流般細味過去。以一段短片開始簡述舊大澳警署歷史，再由酒店職員帶領穿梭前督察宿舍、看守塔、重修而成的玻璃屋頂餐廳及文物探知中心。旅客可了解每間客房嘅原本用途及探索大澳水警歷史及寧靜嘅漁村風貌。