分享衣櫃斷捨離8大心得　其實你沒有那麼需要它！50歲過後丟掉無用之物　感受前所未有的清爽

近日多了時間留響屋企，望見一屋雜物，於是開始動手清理。好多衫褲一直唔捨得丟掉，但原來當狠下心送走雜物、望見屋企乾淨闊落，感覺係咁清爽！以下分享幾個 衣櫃斷捨離 心得，希望幫到大家！

衣櫃斷捨離 8大心得

1. 超過3年無著的衣物 – 掉！

每次想丟掉前都總覺得仲有機會再著，但一年復一年都無著過，來到第3年了，係時候放手了。除了衫褲外，已經3年無用過的皮帶、太陽眼鏡、帽亦採取同樣處理方式。

2. 著唔落的衣物 – 掉！

幻想有一日自己會減肥成功，到時候就可以再著依件衫，不過問題係…… 幻想唔知幾時先會實現。如果減肥成功的話，到時再買新衫慶祝吧，至於現階段著唔落的衫褲，請放手。

3. 沾了醬汁污跡的衣物 – 掉！

沾了醬汁污跡的衣物就像雞肋，丟掉覺得可惜，但著出街又怕被人見到污跡唔體面。如果可以的話，就將依種衣物當家居服著，著舊了就丟掉。