年近60歲仍然超級 fit!湯告魯斯靠嚴格控制飲食保持年青 戒糖低碳延緩老化

今年7月就滿60歲的湯告魯斯(Tom Cruise),主演的《壯志凌雲:獨行俠》最近上映,電影中嘅佢無論樣貌定身型都依然 fit 爆,相比33年前第一集的《壯志凌雲》,狀態依然勁好!

湯告魯斯

今集Tom Cruise依然堅持唔用替身,親自上陣揸戰鬥機,為咗演活角色,佢同其他飛行員演員仲接受長達3個月訓練,而且訓練內容仲係由佢親自設計,包括學特技飛行、揸戰鬥機、鍛鍊耐重力(G-Force)、學習水中逃生等等。接近60歲的Tom Cruise接受一連串訓練話咁易,人到中年唔止睇落後生,而且勁好體能,佢嘅其中一個秘訣就係嚴格控制飲食。

1. 低碳飲食

Tom Cruise係採取「低碳飲食」,每日卡路里總攝取量控制響1200左右。由於碳水化合物會導致胰島素升高,而胰島素係屬於衰老激素,所以有些人認為減少攝取碳水化合物可保持年青。

2. 戒糖

糖份可引致身體慢性發炎、破壞骨膠原,從而導致皮膚老化,過量攝取糖份亦會令人睇落變得衰老。Tom Cruise自己就近乎完全戒糖,特別係拍電影前更加會嚴格控制,不過雖然佢對自己嚴格,但就對同劇演員相當友善,佢曾經響訪問透露過會送蛋糕給其他演員。

3. 唔食炸野

因為食物經過高溫炸之後,會流失營養,亦會引致身體慢性發炎,所以Tom Cruise通常會選擇慢烤的食物。而年過50歲之後,應該多食燕麥、三文魚、菠菜、橄欖油等等。

4. 食健康零食

Tom Cruise鍾意食健康零食,即使行程好忙碌的時候,佢仍然會全日都不停食零食,不過佢鍾意的零食相當健康,都係果仁同藍莓。

相關閱讀:彩虹飲食好處 :防癌 、抗氧化、增強免疫  7色食物營養大公開 餐桌上每日都要五顏六色