【冬至2022】冬至養生秘訣：3大進補食材 補腎護陽氣 健康迎新年
今年2022年12月22號就係冬至，依日係北半球一年之中黑夜最長、白晝最短嘅一日。古人相信冬至的來臨代表陰氣盛極而衰，陽氣開始萌芽，所以響冬至時應該補足陽氣，健康地迎接新年。
中醫角度認為「春天養肝、夏天養心、秋天養肺、冬天養腎」，而腎又係人體陽氣嘅發源地，所以響冬季補腎就可以補足陽氣，對應腎臟的顏色為黑色，多食黑色食物有助補腎。
冬至養生3大食材
1. 羊肉
羊肉係秋冬常見嘅補身食材，性質溫熱、味甘，有暖腎、益氣補血的功效，適合虛弱怕凍、手腳冰冷、容易疲倦人士，有助抵抗寒氣。冬天最常見的羊肉料理就係羊腩煲，加入白蘿蔔更可以中和羊肉熱性，不過本身燥熱嘅人不宜多吃。
2. 烏雞
烏雞性平，有健脾補肝益腎的作用，且滋陰清熱，滋補效果比一般雞溫和。而且蛋白質豐富、脂肪較少，補身之餘亦可減輕身體負擔。
3. 黑木耳
黑木耳可促進腸胃蠕動，滋養益胃；具抗凝血作用，有助預防心血管疾病同便祕；加上可增強免疫力，補氣強身，係冬季養腎必備食材。