60歲以上要留意！長用手機可致乾眼症 教你保養眼睛之道
成日用用下手機就覺得對眼好乾？依個可能係「乾眼症」的症狀，60歲以上特別易患上，大家一定要小心留意，平時就要多注意保養眼睛，唔好等到用壞眼先後悔呀！
其中一個成因係淚液分泌不足，隨著年紀愈來愈大，淚液分泌愈來愈少，所以踏入樂齡後好易會覺得眼乾唔舒服。乾眼症主要發生在60歲以上的樂齡人身上，如果本身沉迷使用手機的話，更容易患上乾眼症。如果長期忽視眼乾問題，嚴重者有機會造成角膜病變，甚至視力受損或者失明！
不過大家又不用太擔心，眼乾唔代表一定係乾眼症，但如果有埋怕光，甚至視力模糊、渴睡等症狀，就唔好拖要快快去睇醫生。另外，有些乾眼症患者不但沒有眼乾，反而會經常「眼濕濕」，這是因為身體感到眼睛太乾，反射性分泌大量淚水，但雙眼經常過於濕潤只會令患者覺得不舒服和疲勞。目前治療乾眼症的方式主要係用人工淚液，這個亦是最有效的方法。
雖然乾眼症可以治療，但大家平時都要多多注意保養雙眼，首要係避免長時間睇手機，每用30分鐘就讓雙眼休息10分鐘，在用手機的過程中要常常眨眼，因為眨眼這個動作可以將淚水均勻地覆蓋在眼球表面，讓雙眼保持濕潤，避免表面組織受損。大家也可以每天熱敷眼睛3至4次，每次5至10分鐘，使淚液分泌更順暢。最後也是最重要的，多喝水、多休息，維持健康正常的作息，就是對眼睛最好的保養。