中風年輕化，50歲過後係危險期！改變5大生活習慣預防中風
近年腦中風有年輕化趨勢，愈來愈多人50歲左右就中風。50歲之後可以話係踏入中風危險期，年紀愈大就愈容易有依個問題。趁住仲後生，立即改變生活習慣，預防中風！
50歲後係中風危險期
中風的成因通常係腦血管破裂，血液流出後形成血塊，當血塊壓迫到其他腦神經或者組織時，就會出現唔同程度的嚴重後果。如果血塊響運動區，有可能令患者癱瘓；響感覺區的話就會令人感官有異常表現；響語言區就會影響患者的說話能力。如果出血量大的話，好有機會令人半身癱瘓，嚴重者仲有可能導致死亡。
50歲之後係中風危險期，55歲以上腦中風的風險，更加係每10年倍增，轉天氣時要突別注意，因為冷熱更替容易令血管失控。
中風雖然可怕，但有研究發現，只要維持健康的生活方式，有助降低中風的發生率。研究同時指出，就算50幾歲先開始改變生活方式，仍然可以預防中風，所以唔好再找藉口畀自己懶了，今日開始就改變，持之以恆，為健康而努力。
預防中風 培養5個健康習慣
1. 戒煙
唔使多解釋，吸煙危害健康，盡快戒煙吧！
2. 戒酒
長期飲酒會令到血壓升高，同埋肝功能受損，仲會影響埋血脂，增加中風機率。簡單來說，小酌可以，但千祈唔好長期過度飲酒呀！
3. 減少疲勞
雖然而家仲未證實到過勞會引起中風，不過人體面對壓力時，血壓會上升，如果本身有高血壓問題的話，有機會間接增加中風機會。所以平時要維持規律作息、充足睡眠，亦要搵方法幫自己減壓。
4. 改變飲食習慣
除了要飲食均衡、低鹽低脂外，建議多食魚、堅果、全穀類、水果同蔬菜，至於紅肉同加工肉類就少食為妙。
相關閱讀：
5. 適量運動
每日運動至少30分鐘，唔好偷懶。如果有過肥問題的話，就應該開始減肥。