網民：屋企 老人家感染Omicron 只有發燒症狀 唔知送唔送院好？有猶疑不如問醫生 (附網上診症 服務清單)
Omicron確診人數每日上升，有專家估計最終確診人數多達100萬。最近就有網友在網上問意見，指屋企 老人家感染Omicron，因為老人家堅持留響屋企休養，所以唔知送唔送他入院好…… 長者染疫真係好令人擔心，與其估估下，不如透過網上診症服務問問專業意見。
老人家感染Omicron 應唔應該送院？
該名網友指屋企一位80幾歲的老人家未打疫苗，近日感染Omicron後發燒至39度，猶豫係咪應該將他送院，但老人家堅持留家由屋企人照顧，令網友陷入苦惱。好多網友都紛紛提供意見，指醫療系統而家已經負荷，擔心將老人家送院都未必可以得到最好照顧，不如留響屋企，環境令老人家舒服放心，由家人貼身照顧更好。又有人認為發燒屬於輕微症狀，可以再觀察，但一旦出現氣喘等重症症狀就必須立即送院。另外，都有網友提議買血氧儀，時時檢查老人家的血氧狀況，如果血氧高於94%就唔使太擔心。
雖然好多網友都落力給意見，不過始終大家都唔係醫護人員，提供的建議未必準確。加上在香港，Omicron的死亡個案中以長者佔大多數，而英國研究顯示，60歲以上未接種疫苗者感染 Omicron的致死率係 8.6%，而80歲以上更高達 22.5%，所以若未打疫苗的老人家感染Omicron後，屋企人必須謹慎對待。
然而，醫管局早前指因確診人數大幅上升，醫院面對龐大壓力，病床非常緊張，如果老人家只係有發燒徵狀的話，屋企人實在唔知送唔送入院好。而家有唔少機構都提供中西醫網上問診服務，有需要的話不妨諮詢專業人士意見再作決定。
網上症診 + 送藥服務
1. 香港浸會大學中醫藥診所 — 免費為確診者診症＋上門送藥
浸會大學中醫藥學院臨床部組織轄下9間直屬中醫藥診所推出中醫網上診症服務，為確診者提供諮詢同診症。病人只需致電診所預約，再響指定時間透過WhatsApp的視像通話功能，接受診症就得。診症後，亦有送藥到戶服務，包括顆粒劑、中草藥及代煎藥，費用全免。
費用：免費
服務時間：星期一至六，早上10時至晚上7時
藥物送遞時間：視乎藥物種類，時間各有不同
備註：只限2019冠狀病毒感染者，須出示感染新證明
網址：按此
2. 東華三院 — 免費健康諮詢 + 7日中藥送到家
獲騰訊及騰訊基金會贊助藥物及速遞費用的東華三院，為檢測結果陽性或初步陽性感染者，透過微信／WhatsApp視像，進行免費健康諮詢，為適合服用中藥的感染者提供7日中藥，更會向同住家人免費提供中藥抗炎保健茶藥包。服務包診金，藥物及速遞上門，有需要可透過微信／WhatsApp預約。
費用：免費
預約電話：5210 8050 / 5685 4035
備註：須出示感染新證明
網址：按此
3. Dr Go — 公眾假期都開 4小時內送藥
香港電訊旗下的遙距醫療平台Dr Go聯同本地醫療機構，提供視像醫療諮詢服務，包括醫思健康、港怡醫院、明德診所等。只要下載手機APP，根據指示完成登記、選擇合適的醫生，再繳交$100預約費，就可以進行診症。全部費用約港幣$368至$600，包含預約費、診症費，3日基本藥物同埋一次免費藥物配送服務。任何醫生處方的藥物、簽發的醫生證明及或轉介信，一般可於即日2至4小時內送遞到戶。
而新冠病毒測試合計收費約$2700，包括同當值醫生進行2019冠狀病毒病測試視像諮詢、一次檢測容器配送，同埋一次深喉唾液樣本收集、測試及檢測報告。
服務時間：上午8時至晚上8時（星期一至星期日，包括公眾假期）
藥物送遞時間：即日2-4小時內
費用：約港幣$368至$600 (包醫生診症費，3日基本藥物、免費藥物配送服務)
新冠病毒測試合計收費：約$2700
網址：按此
