擁7成免疫細胞！保養腸道有利整體健康　5招速進腸道蠕動　50歲後必學！

人體的免疫細胞大約有7成都集中響腸道，腸道可以話係人體免疫系統的先鋒部隊，對健康尤其重要。腸道菌一旦失衡，可能會引起發炎同過敏反應。所以照顧好腸道健康，有利於整體健康。

保養腸道健康5式

1. 足夠膳食纖維

膳食纖維有助促進腸道蠕動、調整吸收，蔬菜同水果入面有豐富膳食纖維，所以每日都應該攝取3份蔬菜 (煮熟後約1碗半) 同埋2份水果 (約2個拳頭)。另外，多進食全榖雜糧食物，都有助攝取膳食纖維。

2. 每日補充水份

最簡單就係每日飲6-8杯水，但如果想準確計算自己每日所需水份，可以利用以下公式：

體重 (公斤) * 30~40

例子：假設體重為50公斤，50 * 30~40 = 1500~2000 ml，每日要飲1500至2000毫升水份。建議每日起身時，都飲一杯暖水，有助排便。

3. 攝取好油脂

適當吸收好的油脂，可以保持腸道滋潤，橄欖油、芝麻油、苦茶油、亞麻仁油、牛油果油等都係屬於好油脂。

4. 適當補充益生菌

如果日常飲食以肉食為主，除了增加蔬果攝取量之外，都可以適量補充益生菌，增加腸道好菌數量，幫助腸道保健。