夏季小心「荔枝病」！空肚食荔枝易引發低血糖症狀 成人、長者每日最多可以食幾多粒？
夏季係荔枝盛產的季節，不過正所謂「一粒荔枝三把火」，荔枝依種水果除咗易令人熱氣、喉龍痛之外，原來響錯誤的時間過量進食的話，仲可能會導致低血糖症狀，亦即「荔枝病」！
切忌空肚食荔枝
空肚時，身體的血糖含量比較低，如果響依個時候大量進食高果糖的荔枝，身體響短時間內將果糖轉化成葡萄糖，並大量分泌胰島素，會傳遞了錯誤的訊息給肝臟，引發低血糖症狀，亦稱為「荔枝病」，低血糖症狀包括：冒冷汗、心悸、抖震、全身無力等等，嚴重者甚至有可能抽蓄、昏迷、令腦神經功能受損。
建議響餐後半小時食用荔枝依類高糖份水果，切忌空肚食用。
成人每日唔多過15粒 長者小孩5粒
由於長者同小朋友的分泌同神經系統無成人咁穩定，空肚過量食荔枝比較容易引起荔枝病。所以長者同小朋友必須留意進食份量，每日大約食5粒就差不多，而成人一日大概可以食10至15粒。
另外，對患糖尿病的長者來說，高糖份的荔枝絕對係可免則免，千祈唔好誤會食荔枝可以降低血糖而大量進食，以免引發嚴重後果。