平均壽命85.29歲！連續7年全球最長壽地區 香港人長壽3大關鍵
香港人已經連續7年蟬聯全球最長壽地區，男士平均82.38歲、女士平均88.17歲，到底係咩原因令香港人長壽呢？歸納唔同專家的見解，得出以下幾個原因：
1. 醫療水平高
香港的醫護人員、醫療設施以及基礎配套相對屬於高水平，而且各區都有公立醫院，並設有急症服務，收費便宜，雖然輪候時間頗長，但確保大眾都能獲得基本治療。如果經濟條件許可的話，也可選擇去私人診所或私家醫院。
2. 低吸煙率
港大醫學院經過8年研究發現，港人長壽的關鍵同低吸煙率密不可分，由於成功控煙、吸煙人口比例低，港人患上心血管疾病引致的死亡率係眾多地區中最低的。
3. 親友鄰里關係緊密
曾於香港中文大學留學的日本作家中島惠認為，日本獨居老人多，而香港親友鄰里間關係緊密可能係港人長壽原因之一。由於香港地方細，好多場所讓長者們聚集，大家會響街市、酒樓遇到街坊互相聊天。另外，父母同仔女住得近，幾乎每個星期都會同仔女孫兒見面，對長者來說亦係一大寄託，有益健康。