【湯水食譜】蟲草花鮑魚淮山瘦肉湯 增強免疫力、滋陰潤肺 (圖文並茂超詳細食譜)
今次煲依個蟲草花鮑魚淮山瘦肉湯，既有增強免疫力嘅蟲草花，又有小小豬鐘意食嘅鮑魚仔，更加好嘅係個湯滋陰潤肺、強身健體，而且仲甜甜地好好飲，所以小小豬都話正呀~
材料：
乾鮑魚…… 5隻
蟲草花…… 一両
淮山……… 一両
杞子……… 半両
圓肉……… 半両
百合……… 半両
海玉竹…… 半両
湘蓮……… 半両
茨實……… 一両
瘦肉……… 約$50
做法：
1. 乾鮑魚需預先浸發，只要用碗放入鮑魚加水浸一晚，直到鮑魚浸軟便可。
2. 待軟身後將鮑魚嘴剪去，用牙擦將裙邊擦乾淨。
3. 蟲草花浸軟身之後，然後要擠乾水份。
4. 其他藥材浸洗一陣。
5. 瘦肉洗淨汆水。
6. 煲內放約3L水，水滾後就可以加入所有材料。
7. 待水再次滾起後，用大火加蓋煲約15分鐘。
8. 然後轉慢火加蓋煲1.5小時。
9. 最後加少少鹽調味就可以飲得啦。
以下係各食材嘅功效，可以參考一下呀 (網上資料)：
乾鮑魚 – 有效改善視力疲勞，對身體有很好的滋補作用，具有滋陰清熱、養肝明目、平衡血壓、鎮靜化痰、潤燥利腸和滋補養顏的功效。
蟲草花 – 含豐富蛋白質、滋肺、補腎、護肝、抗氧化、抗疲勞、提高機體免疫能力。
淮山 – 養陰、補脾、肺虛喘咳。
杞子 – 具有補肝腎、益精氣、長肌肉、改善面色、明目安神、祛風治虛、延年益壽、堅筋骨之功效。
圓肉 – 具有良好有滋養補益，補氣血、益智寧心、安神定志的功效。
百合 – 潤肺止咳，寧心安神，補中益氣，清熱利尿，清熱解毒，涼血止血，健脾和胃。
海玉竹 – 有潤肺健脾、補氣養陰、益腎精功效。
湘蓮 – 具補脾益胃、益腎固精、健脾止瀉、養心安神的功效。
茨實 – 具祛濕、固腎澀精、補脾止泄的功效。
溫馨提示：
– 於個別人仕體質不同，所以大家記得煲之前了解下自己，如有疑問，請先向註冊中醫查詢！
文章獲 小小豬Kinsey 授權轉載