60歲衣著指南！153公分的日本時尚編輯石橋洋子：整體造型唔好超過3種顏色
年紀大著衫一定唔好睇？生得細粒好多衫都著唔到？只有153公分、60歲的日本時尚編輯石橋洋子的穿搭技巧絕對可以顛覆你的刻板印象，一齊嚟跟佢學習60歲打扮方法啦！
石橋洋子的60歲衣著穿搭技巧
1. 全身只用3種顏色
石橋洋子的穿搭通常唔會用多過3種顏色，上衫一隻色、下身一隻色、鞋同埋袋一隻色，而顏色配搭亦要有深有淺，互相襯托。咁樣配搭可以保持整體一致性，同時增添時尚感。
以最基本的牛仔褲為例，石橋洋子以鮮黃色冷衫 + 牛仔裙 + 黑色鞋依3種色做配搭，手袋主色雖然係白色，但以黑色點綴，呼應鞋子，令成個造型更加連貫，而鮮黃色響深色的牛子裙同鞋襯托下，成為了造型亮點。
如果接受唔到著咁鮮色，可以參考石橋洋子另一個造型，以白色針織衫 + 深色牛仔褲 + 黑色手袋&鞋，簡單的黑白藍配搭，重點係上衣同牛仔褲都具有設計感，低調又有型。
2. 全黑打扮要有亮點
黑色係最經典又顯瘦的顏色，石橋洋子亦愛以全黑打扮，不過衣服剪裁、質地同埋其他單品都經過細心配襯，所以即使全黑都唔會覺得死黑沉沉，即刻睇下佢有咩秘訣！
石橋洋子全黑打扮時，通常會不經意地加入一些淺色，如白色、米色、金色等的單品或小飾物作點綴，例如以下兩個造型就分別用上金色手袋同埋金色長頸鏈，令成個感覺更加活潑有朝氣。
3. 嚴選剪裁、質地
除了注意顏色配搭之外，衣服的剪裁同質地同樣重要，揀得啱的話可以大大提升質感。石橋洋子就鍾意闊身同埋有垂墜感的單品，可以巧妙地遮蓋身型缺點，亦可以借住線條感來調整比例，令153公分的她睇落相當有氣勢。
另外，響揀襯衫或連身裙方面，她多數會揀比較挺身的質地，避免衣服太過貼身而顯露身材，暴露缺點。
